Diskuschoon:Huang Xianfan

So stellt man sik en tabellarschen Levensloop to'n Bewarven vör. Vör allen aver fraag ik mi, wat en "Perfesser ahn Historie" wesen schall. Und wat bedüüt "he hett Master of Historie"? --Iwoelbern ✍ 21:53, 17. Jun. 2009 (CEST)

Wenn wi uns ankiekt, woveel Artikels dat to em al gifft, denn kummt de Artikel gewiss von een von de Lüüd, de jemehr Artikels in mööglichst veel Wikipedien ünnerbringen wüllt. Wi mööt also dor von utgahn, dat de Schriever keen Stück Plattdüütsch kann. Villicht hett de Schriever bi't Koperen dat verkehrte Woord to faten kregen, as he "för" hebben wull un so is dor denn "ahn" rutkamen. Un bi den annern Satz fehlt wohrschienlich blot en "maakt". Wenn wi dorvon utgaht, dat de Schriever würklich keen Stück Platt kann (ans harr he de "för"/"ahn"-Saak mitkregen), denn is de Artikel gornich so slecht. --::Slomox:: >< 00:37, 18. Jun. 2009 (CEST)

Un de Satz "Huang Xianfan is 1899 as tweet vun veer Kinner vun en Fusui in Guangxi boren, woneem he ok opwussen is." to'n Bispeel is ut Miyazaki Hayao rutkopeert (un dat bedüüdt, dat he nich dat tweete von veer Kinner wesen is un nich as Kind von en Fusui, sünnern in Fusui boren is. De Schriever hett den Satz nich verstahn un hett sik wohrschienlich dacht, dat "as tweet vun veer Kinner vun en" eenfach blot "is boren in" bedüüdt). --::Slomox:: >< 00:44, 18. Jun. 2009 (CEST)

Un dat "ahn" kummt denn wohrschienlich dorvon, dat de Schriever den Utdruck "Perfesser ahn Lehrstool" (wat he as "Perfesser för [jichtenswat, wat ik nich verstah]" leest hett) un "Historie" tohoopnahmen hett. --::Slomox:: >< 00:47, 18. Jun. 2009 (CEST)

Dat verklort dat woll al 'n Stück wiet. Stimmt ok, nu as du dat seggst: De IP is ut China. Dorför is dat wohrhaftig nich schlecht worrn! Ofschoonst dat liekers keen goden Artikel is, wat den Inholt angeiht. Dat weer intressanter to weten, womit he sik afgeven hett, as wanneer he woneem Perfesser weer. --Iwoelbern ✍ 01:00, 18. Jun. 2009 (CEST)