Diskuschoon:Johanniterorden
Hier steiht nu von de Balley Brannenborg. Op Diskuschoon:Brasilien hebbt wi ja von ole Wöör hatt, de nüms mehr kennt. Welk hebbt denn seggt, dat wi disse olen vergetenen Wöör denn ok nich mehr bruken schöölt.
Wat is nu mit dissen Fall? Dat ole plattdüütsche Woord is Ballie (to'n Bispeel [1]). Kennt ok nüms mehr. Dat Ding is blot: opminnst 95% von de Lüüd kennt ok dat hoochdüütsche Woord Balley/Ballei nich. Schöölt wi dor Ballie bruken oder Ballei?
Bi de Saak is natürlich en lütte Fall: wenn'n nu seggt Wenn de Wöör all beid nüms kennt, denn köönt wi ok dat plattdüütsche bruken, denn höört sik dat eerst good an (dücht mi tominnst). Aver: Denn maakt wi uns Woordwahl afhängig von'n Bekanntheitsgrad von dat hoochdüütsche Woord. Ok nich jüst good. --::Slomox:: >< 01:11, 7. Jul. 2010 (CEST)
- Stimmt so nich ganz: Ik meen, keeneen hett seggt, dat wi de ollen Wöör gor nich bruken schöölt. So wiet mi dat bedröpt, bün ik blots nich dorför, olle - d.h. vergetene, utstorven - Wöör as Lemma to bruken. In dissen sünnern Fall kann ik nix wieter seggen - ik weet nich wat Ballei/Ballay/Ballie heten deit. --Iwoelbern ✍ 01:31, 7. Jul. 2010 (CEST)
- Womit ik to de 95% höör...
- Jo, weet nich, uns afhangig maken vun de Bekanntheit vun’t hoochdüütsche Woort is nich Sinn vun de Saak. Wobi hooch un platt in dissen Fall keen groten Ünnerscheed maakt. Wenn beids nich mehr kennt waart, den is de plattdüütsche Naam bestimmt nich slechter as de hoochdüütsche - so lang dat keen gliekbedüden Begreep gifft, de in’t Plattdüütsche begäng is. Wenn vundaag en Frömdwoort normal is, denn mööt wi nich en doot Woort wedderhollen (as Lemma! Woll kann/schall dat olle Woort in’n Artikel beschreven warrn). Nu kummt de Saak mit den Egennaam dorto. Balley seggt un kennt vundaag kuum mehr een, steiht aver woll ennerworrns noch as Egennnam. Wenn dat Woort nu al mol in’n Naam steiht, denn snackt nix gegen de Plattdüütsche Schrievwies, denk ik. --Iwoelbern ✍ 02:04, 7. Jul. 2010 (CEST)