Diskuschoon:Kaschuubsche Spraak

Hett dat een Grund, dat dat ünner dat Lemma Kaschuubsch den glieken Artikel noch mol gifft? Dorför hebbt wi doch de Wiederleidens... --Iwoelbern 19:44, 7. Aug. 2008 (CEST)

Redir inricht. De Text weer afsluut de glieke... --Iwoelbern 19:58, 7. Aug. 2008 (CEST)

Polabsch/Polaabsch

Ik heff jümmer dacht, dat dat Polabbisch un nich Polaabisch heet, also en kort a. Hier steiht dat nu aver as Polaabsch un nich as Polabsch. Wat is richtig? hier gifft dat dat Woord Labe op Tschechsch to'n Anhöörn (Polabisch kummt ja vun po labe „an de Elv“). Dor höört sik dat ok mehr kort an. Aver dat mutt ja noch nich unbedingt wat bedüden. --::Slomox:: >< 20:55, 7. Aug. 2008 (CEST)

Wat dat op Slaawsch kort is oder nich, is nich so wichtig. Ik meen, ok op Hoochdüütsch is dat a lang. Dat warrt ja ok op Hoochdüütsch nich mit Dubbel-B schreven. Ninety Mile Beach 21:02, 7. Aug. 2008 (CEST)

Dat weer sotoseggen jüst mien Fraag: Is dat op Hoochdüütsch kort oder lang? (Dubbel-b oder nich helpt uns ok nix wieder. Dat Hoochdüütsche kennt keen Dubbel-b, all Dubbel-bs in't Hoochdüütsche sünd ut dat Plattdüütsche övernahmen un bi Frömdwöör warrt dat Konsonantverdubbeln sounso nich kunsequent dörföhrt) Ik heff dat jümmer kort utspraken - oder eben nich utspraken, denn dat is en rein Schriftwoord för mi, ik wüss nich, dat ik dat Woord mal sülvst bruukt heff oder höört heff. Jümmer blot leest oder schreven. De Datei mit de Utspraak heff ik blot nahmen, vun wegen dat ik ans keen Indizien harr. Ik heff dor nich mit rekent, dat ik op't Internett en Toondatei finnen do, in de dat hoochdüütsche Woord polabisch vörkummt, oder dat ik en IPA-Angaav för polabisch finnen do. Woneem denn ok söken? Naja, ik heff mi irrt. Weer gornich so swoor, dat to finnen: Wiktionary. wikt:Polabisch seggt: kort, polabbisch [pɔˈlabɪʃ]. Dat dumme is blot: wikt:polabisch seggt: lang, polaabisch [poˈlaːbɪʃ]. Jüst so wied as vörher... Villicht geiht allens beids? --::Slomox:: >< 21:37, 7. Aug. 2008 (CEST)

Ik heff nu op de Utkunft vun Wiktionary fraagt. Mal sehn, wat de seggt. --::Slomox:: >< 21:52, 7. Aug. 2008 (CEST)