Diskuschoon:Törkie/Archiv

Disse Siet is en Archiv vun afslatene Diskuschonen. De Inholt schall nich mehr ännert warrn. Bruuk de aktuelle Diskuschoonssiet, wenn du noch wat to dat Thema schrieven wist. To ’n Afsnitt vun disse Siet en Lenk to setten, klick in dat Inholtsverteken op de Överschrift un kopeer denn den Siedennaam un de Överschrift ut de Adress-Reeg vun dien Nettbekieker (Bispeel: [[Diskuschoon:Törkie/Archiv#Afsnittsöverschrift]]).

Dor hett nun 'n anonymen Bruker al tweemal versöcht, de Informatschoon över den Völkermoord an de Armeniers ruttosmieten. Dat disse Völkermoord passeert is, is algemeen bekannt. Sogor de Europääsche Union weet dat un hett vun de Törkie verlangt, dat nich mehr to verleugnen. Ik hebb de Siet nu so sparrt, dat bloots anmellt Bruker de ännern köönt. HeikoEvermann 09:51, 10. Aug 2006 (UTC)

Naam

Dröff ik dor mal fragen: Wie spreekt ji dat Woort ut? Mehr as ö oder mehr as ü? Wenn ik mi nämlich de Etymologie ankiek, denn wunner ik mi över dat ö. Dat Woort hett doch an un för sik en u. Dat wiest ok de Lenken na de annern Wikis. All mit u, ü oder y, wenn wi uns nich jüst op dat Ungaarsche oder dat Schemaitsche beropen wüllt. Nu is dat ja keen groot Ding, dat Plattdüütsche hett ja en Luudwannel dörmaakt, bi den ut dat germaansche burg dat plattdüütsche borg worrn is. Dor passt de Törkie ja man to. Aver: wenn dat so wesen schall, denn müss dat ja al to Hansetieden ok so wesen hebben, denn to Hansetieden hett dat ok al borg heten. Kiekt wi also bi Schiller-Lübben. Wat hebbt de? Turkie, Turkerie, Turkerlant. Ünner Tork~ steiht nix. Gottsverdori, dat haut nich hen. Wo kummt also Sass sien Törkie her? --::Slomox:: >< 23:31, 6. Apr. 2008 (CEST)

Good, ik heff nu noch bi Wikisource söcht (dat Sammeln lohnt sik doch, kannst al fein bruken, üm plattdüütsche Wöör natowiesen!) un as Referenzen Fritz Lening in Dree Wiehnachten (up de letzte Siet stund, det de Törken kamen würrn) un Arndt sien Ridder Unvörzagt (Dat ward wiß mal een General un Börgermeister, de mit der Stadtfahn in't Feld tüht un Törken un Franzosen dat Hasenpanier in de Hand gift.) funnen. Dat Woort is also nich verkehrt. Aver wo kummt dat vun, dat dat mit ö schreven warrt? --::Slomox:: >< 23:37, 6. Apr. 2008 (CEST)

Hebb ik mi anfangs ok över wunnert... Mit ö kenn ik dat nich... --Iwoelbern 23:41, 6. Apr. 2008 (CEST)

Mien ole Fründ Hermann Böning hett Tork för Törken un Torkschen Weten för Mais. Ik wunner mi ehrder över dat -ie an't Enne.---Bolingbroke 00:06, 7. Apr. 2008 (CEST)

Ok dat ie an’n Enn heff ik nich kennt. :-) --Iwoelbern 00:47, 7. Apr. 2008 (CEST)

Dat -ie is dör de Etymologie ja vull afdeckt, Schiller-Lübben Turkie un bi de Interwikis lett sik dat ok good aflesen. Dat -ei heet sik över dat Hoochdüütsche insleken (Törkei/Türkei kummt hüdigendaags allerdings wohrschienlich temlich faken vör).

Un to ö/ü: Ok bi Gorch Fock un Fritz Reuter un sogor al in'n Des dodes dantz kummt ok överall Tork/Törk vör. Harr ik man beter gor nich fraagt ;-) De hele plattdüütsche Schrieveree kickt al op mi raf, de Döösbaddel kennt nich mal den richtigen plattdüütschen Utdruck för de Törken. Wenn mi nu noch een Groth an'e Pann haut, denn bün ik ganz alle ;-) --::Slomox:: >< 00:54, 7. Apr. 2008 (CEST)