Dominanz (Genetik)
In de Genetik warrt ünner Dominanz (vun’t lat.: Dominus „Herr“) dat Dörsetten vun’n sünnern Arvfakter bi’t Utbilln vun en Markmol verstahn.
Man ünnerscheedt twüschen dominante un rezessive Arvfakters, wobi sik bi mischarvige Vörkamen jümmer de dominante Arvfakter gegenöver den rezessiven dörsetten deit.
Bispelen
ännern- En Minsch, de in sien Arvgoot de Bloodgruppenegenschap B un op den tweeten Chromosomensatz de Egenschap 0 driggt, hett de Bloodgrupp B, wieldat B gegenöver de Bloodgrupp 0 dominant is un sik dörsetten deit. Dat Markmol 0 warrt dorbi överdeckt un warrt nich utbillt.
- Bi de Arfenplanten kamt rode un witte Blöten vör. För de ünerscheedlichen Klören sünd twee verscheeden Allelen tostännig, een för rot, dat annere för witt. Wieldat bi Arfen jümmer twee Allelen vörkamt, de en Markmol bestimmt, kann de Plant twee Allelen för rode Blöten, twee Allelen för witte Blöten oder vun elk Allel een hebben. Bi de beiden eersten snackt man vun reinarvig, wieldat blots Anlagen för een Klöör dor sünd. In den mischarvigen Fall hett de Plant aver ok rode Blöten, wieldat dat Allel för de rode Blööt dominant is gegen dat dat Markmol witt.