Echte Göse

De echten Göse (Anserini) sünd Vagels, de tohopen en Tribus binnen de Unnerfamilie vun de Göse in de Familie vun de Aantenvagels utmaken doot. Dor höört de beiden Geslechter vun de Seegöse (Branta) un de Feldgöse (Anser) to. Alltohopen gifft dat bi de echten Göse 15 Aarden. Se sünd witt-swatt, gries oder bruun. Ganter un Goos verscheelt sik in de Farv meist gor nich. Echte Göse hefft en langen Hals un middellange Been zentral unner dat Lief. Vundeswegen könnt se tämlich fix lopen. All Aarden leevt up de Noordhalfkogel.

Echte Göse; Echte Göös; Echte Gosen
Grote Kanadagoos (Branta canadensis)
Systematik
Ünnerstamm: Warveldeerten (Vertebrata) Klass: Vagels (Aves) Ornen: Gösevagels (Anseriformes) Familie: Aantenvagels (Anatidae) Ünnerfamilie: Göse (Anserinae) Tribus: Echte Göse
Wetenschoplich Naam
Anserini

Goos un Ganter

Wenn sik de echten Göse paaren wüllt, föhrt se faste Rituale up. Wenn en anner Vagelpaar verjaagt wurrn is, warrt dor faken en grote Upföhrung vun maakt. Ganter un Goos blievt meist en Leben lang tosamen. Bloß dat Seken boot an dat Nest.

Kiek ok bi

• List vun Vagels

Weblenken

Echte Göse. Mehr Biller, Videos oder Audiodateien to’t Thema gifft dat bi Wikimedia Commons.