Edward Christian Prescott

Edward Christian Prescott (* 26. Dezember 1940 in Glenn Falls, New York, USA; † 6. November 2022) weer en US-amerikaansch Ökonom. För sien Bidrääg to de dynamisch Makroökonomie kreeg he 2004 tosommen mit Finn Erling Kydland den Nobelpries för Wertschapswetenschapen.

Edward C. Prescott (2004)

Leven

Prescott weer dat jüngste vun dree Kinner vun William Clyde Prescott un de sien Fru Mathilde Helwig Prescott and William Clyde Prescott. 1962 kree he sien Bachelor in Mathematik vun dat Swarthmore College, wo he ok Liddmaat vun de Delta Upsilon Vereenigung weer. Sien Master-Titel kreeg he 1963 in Ünnernehmensforschung vun de Case Western Reserve University. Sluutend hett he sien Doktertitel (Ph.D) in Wertschapswetenschapen 1967 an de Carnegie Mellon University kreegen.

Wark

Kydland und Prescott hemm ünnersöcht, worum sück Wertschap nich gliekmatig entwickelt, sonnern Phasen vun den Upswung immer weer vun Phasen vun de Rezession aflöst wurrn. In’ Karn kommt de beid to dat Ergevnis, dat de Verantwortung dorför in de schuuvwies Entwicklung vun nee Technologien liggt. Dordör wurrn Priesen, Produktivität un Löhne verännert un so Konjunkturzyklen utlööst. En wieder Ünnersökensrebeet bedraapt den Infloot vun Geld- un Wertschapspolitik up disse Zyklen. Hier kommt se to den Sluss: „Je glaubwürdiger Politik und Nationalbank wirken, um so stabiler ist der jeweilige Konjunkturverlauf.“ Dat Nobel-Komitee hett betoont, dat ok de wesentlichen Bedüüden vun de Ergevnisse up de Praxis vun völ Länner in Betoog up Geld- un Wertschapspolitik en Utslag för dat Toerkennen vun den Pries harr.

In sien methodisch-theoretischen Arbeit kunn Prescott mit den nah hüm nömmten Hodrick-Prescott-Filter ok up dat Rebeet vun den Tietreegenanalyse en wichtigen Bidrag leisten. De Hodrick-Prescott-Filter ermöglicht dat Herutfiltern vun de glatt Komponente (Trend) ut en mit Saison- un Tofallsvariablen överlagert Tietreeg. Dit Verfohren wurrd in de empirischen Konjunkturforschung insett. Prescott hett gemeensam mit Rajnish Mehra dat Equity Premium Puzzle verapenlicht.

He gifft Ünnerricht an de Arizona State University Tempe un is in de Federal Reserve Bank of Minneapolis beschäftigt. För 2015 wurr hüm Adam-Smith-Pries tospraaken.

Privates

He weer siet 1965 mit Janes Dale Simpson verheiraadt und harr dree Kinner. To sien Hobbies hörrn Schach un Golf.

Rundfunkberichte

• Edward Prescott in' Gespräch mit Dieter Kassel: "Der Westen könnte einen Boom erleben" – Nobelpreisträger kritisiert Versagen der Politik, Deutschlandfunk – „Wirtschaft & Gesellschaft“ van' 20. August 2014

Weblenken

Edward Christian Prescott. Mehr Biller, Videos oder Audiodateien to’t Thema gifft dat bi Wikimedia Commons.

• DNB-Katalog]
• Curriculum Vitae as PDF
• Edward C. Prescott up de Sieden vun den Nobelpries (engelsch)