Eike Holsten

Eike Hendrik Holsten (* 3. Mai 1983 in Zeven) is en düütschen Politiker von de CDU. He is siet 2017 Afornten in’n Landdag von Neddersassen.

Eike Holsten, 2018

Leven

Holsten is 1983 in Zeven boren un in Tarms opwussen. Het hett 2002 sien Abitur an dat St.-Viti-Gymnasium Zeven maakt un denn Politikwetenschoppen an de Universität Bremen studeert. As studentischen Mitarbeider hett he för den Bundsdagsafornten Reinhard Grindel arbeidt, een Johr en Praktikum in Berlin bi de Adenauer-Stiftung un in dat Adenauer-Huus maakt un weer denn von 2008 bet 2016 richtigen Mitarbeider von Reinhard Grindel.

Holsten is verheiraadt mit siene Fro Katrin un hett twee Kinner. He leevt vondaag in Rodenborg.

Politik

Holsten is 2001 in de CDU rin.

Siet 2012 is he Maat von’n Stadtraad von de Stadt Rodenborg. Bi de Wahl 2016 is he tosätzlich ok in’n Kreisdag von’n Landkreis Rodenborg wählt worrn.

För de Landdagswahl in Neddersassen an’n 15. Oktober 2017 weer he de Direktkannedaat in’n Landdagswahlkreis Rodenborg un kunn sik mit 39,35 % von de Eerststimmen dörsetten.

Weblenken

• Holsten sien Websteed (hoochdüütsch)