Eldon Sylvester
Eldon Anthony Sylvester (* 10. August 1932 in Honduras; † 19. Dezember 1978 bi Belmopan) weer von 1972 bet 1978 de anglikaansche Bischop von Belize.
Sylvester is 1932 in Honduras boren un denn in Brietsch-Honduras opwussen.[1][2] He weer op dat Codrington College in Barbados un is 1956 as Preester wieht worrn.[2] Von 1956 bet 1967 weer Sylvester Kuraat von de St Mary’s Church in Belize-Stadt.[1] 1961 is he Arzdiaken von Belize worrn.[2] Von 1967 bet 1971 weer he as Rekter Preester in Belize Rural un denn von de Kark St Luke in Orange Walk.
In’n Oktober 1971 is he as Bischop von Brietsch-Honduras un Nafolger von Benjamin Vaughan insett worrn un hett düt Amt in’n Juni 1972 övernahmen.[1] 1973 hett sik sien offiziellen Titel op Bischop von Belize ännert. Sylvester un siene Fro Sonia Alice Louise (* 15. September 1938) sünd an’n 19. Dezember 1978 bi en Autounfall in de Neegd von Belmopan doodbleven.[1] De beiden sünd bi de Saint John’s Cathedral begraven worrn.[2] De Dochter von dat Poor weer bi’n Unfall dorbi, hett aver överleevt, de beiden Söhns weren nich dorbi.[2] Na em hett Keith A. McMillan dat Amt as Bischop övernahmen. Sylvester weer de eerste swarte Bischop von de anglikaansche Kark in Brietsch-Honduras.[1]
Footnoten ännern
- ↑ a b c d e Bishop, Wife Die in Accident, The Living Church an’n 28. Januar 1979
- ↑ a b c d e Indrag op FindAGrave.com