Belmopan
| Wapen/Flagg | Koort | |
|---|---|---|
|
| |
| Basisdaten | ||
| Flach: | 32,78 km² | |
| Inwahners: | 23.038 (2018) | |
| Inwahnerdicht: | 702,8 Inwahners pro km² | |
| Geograafsche Laag: | Koordinaten:17° 15′ N, 88° 46′ W17° 15′ N, 88° 46′ W | |
|
| ||
Belmopan is de Hööftstadt von Belize. Dat liggt in’n Distrikt Cayo.
Geografie ännern
De Stadt liggt in dat Binnenland von Belize op en Höögd von 76 Meter över de See. Dat liggt an dat Oostöver von’n Belize River un’n Roaring Creek.
De Öörd ümto sünd More Tomorrow in’n Noordoosten, Cotton Tree, St. Matthew’s un Frank’s Eddy in’n Oosten, Armenia un Agua Viva in’n Süden, Arizona un Teakettle in’n Süüdwesten, Camalote un Roaring Creek in’n Westen un Valley of Peace in’n Noordwesten.
Historie ännern
Nadem de ole Hööftstadt Belize-Stadt an’n 31. Oktober 1961 bi’n Hurrikan Hattie swore Schadens nahmen hett, hett Brietsch-Honduras (nu Belize) 1965 beslaten, de Hööftstadt in dat Binnenland to verleggen. De Stadt Belmopan is an’n 1. August 1970 grünnt worrn. De Naam Belmopan is en Kunstbegreep un wurr ut de Wöör Belize un Mopan (Böverloop von’n Belize River) tosommensett.
Stadtdelen von Belmopan sünd Salvapan, San Martin, Las Flores, Maya Mopan un Riviera.
Inwahnertall ännern
| Johr | Inwahners |
|---|---|
| 1970[1] | 274 |
| 1980[1] | 2.935 |
| 1991[1] | 3.558 |
| 2000[1] | 8.130 |
| 2010[2] | 14.077 |
| 2018[3] | 23.038 |
De Inwahners weren bi’n Zensus 2000 to to 49 % Mestizen, 26 % Kreolen, to 10 % Maya un to 6 % Garifuna. De Rest hett sik op de verscheden annern Volksgruppen von Belize opdeelt.[2]
Verwaltung ännern
Belmopan stünn lange Johren ünner dat Leid von de Reconstruction and Development Corporation, en Organisatschoon, de 1963 inricht worrn is, üm de Schadens dör Hurrikan Hattie wedder goodtomaken. De Inwahners von Belmopan hebbt sik denn 1999 dor för utspraken, dat se normaal — jüstso as annere Städer in Belize — en Börgermeester un Stadtraad wählt. De eerste wählte Börgermeester weer denn in dat Johr 2000 Anthony Chanona.
| Tied | Naam | Partei |
|---|---|---|
| 1. März 2000–1. März 2006 | Anthony Chanona | PUP |
| 1. März 2006–4. März 2015 | Simeon López | UDP |
| 4. März 2015– | Khalid Belisle | UDP |
Partnerschoppen ännern
Belmopan hett en Partnerschop mit Lansing in de USA.
Weertschop un Infrastruktur ännern
Verkehr ännern
De Stadt liggt an’n George Price Highway, de in’n Süüdwesten över Santa Elena un San Ignacio na Melchor de Mencos in Guatemala föhrt un in’n Noordoosten na Belize-Stadt. In’n Süüdoosten geiht von’n George Price Highway de Hummingbird Highway af, de na Dangriga löppt.
De Flegerverkehr löppt över’n Hector Silva Airstrip.
Footnoten ännern
- ↑ a b c d Zensus 2000 (PDF) von dat Central Statistical Office of Belize
- ↑ a b Zensus 2010 (PDF) von dat Statistical Institute of Belize
- ↑ http://citypopulation.de/Belize_d.html
Weblenken ännern
- Websteed von de Stadtverwaltung von Belmopan (engelsch)
Arenal | Armenia | Belmopan | Benque Viejo del Carmen | Billy White | Blackman Eddy | Buena Vista | Bullet Tree Falls | Calla Creek | Camalote | Central Farm | Cotton Tree | Cristo Rey | Duck Run 1 | Duck Run 2 | Duck Run 3 | Esperanza | Frank’s Eddy | Georgeville | La Gracia | Los Tambos | Lower Barton Creek | More Tomorrow | Ontario | Paslow Falls | Ringtail | Roaring Creek | San Antonio | San Ignacio/Santa Elena | San Jose Succotz | Santa Familia | Santa Martha | Selena | Seven Miles | Spanish Lookout | St. Matthew’s | Teakettle | Unitedville | Upper Barton Creek | Valley of Peace