Elektrisch Stroomstärk
De elektrische Stroomstärk (oder kort: Stromstärk) is en physikalsch Grött, de angifft, woveel elektrische Ladungen, also Elektronen oder Ionen in en sünnere Tiet transporteert warrt.
De Stroomstärke warrt faken ok eenfach blots Stroom nöömt. Dat Formelteken is I, wat vun Intensität afleidt is un wedder de Stärk vun’n Stroom meent. Meten warrt de Stroomstärk in Ampere, wat mit dat Eenheitenteken A afkört warrt.
Een Ampere (nöömt na den franzööschen Physiker un Mathematiker André-Marie Ampère) is defineert as de Stärk vun en mit de Tiet konstanten elektrischen Stroom, de dör twee in’n Afstand vun 1 m parallel in’t Vakuum anordente grade Leiders ahn Enn mit kreisförmigen Dweersnitt, de nich acht warrn bruukt, fleet un dorbi twüschen disse Leiders de elektrodynamsche Kraft vun 2 · 10-7 N op den Meter Leiderläng tostannen kamen lett. Fastleggt worrn is disse Definitschoon op de 9. Generalkonferenz för Maat un Gewicht in’t Johr 1948.
En elektrischen Stroom hett de Stroomstärk 1 A, wenn in een Sekunn 6,24150948 · 1018 Ladungsdrägers (mit en Elementarladung) dör den Leiderdweersnitt fleten doot.
Formel ännern
mit de Ladung Q un de Tiet t oder mit de Stroomdicht de dör de Flach dörneiht.
För een mit de Tiet gliekblievenden Ladungsflaat vereenfacht sik de Formel op . Wenn sik de Ladungsflaat ännern deit, gifft disse Formel de dörsnittliche Stroomstärk an.
