Elementnaam-Striet
De Elementnaam-Striet weer en Striet üm de Naams vun de künstlichen Elementen mit de Atomtallen vun 104 bit 108. Cheemsche Elementen, de nee opdeckt warrt, kriegt normalerwies en systemaatschen Naam un kriegt denn vun jemehr Opdeckers en richtigen Naam, wenn de Synthees bestätigt worrn is. In’n Fall vun de Elementen 104 bit 108 sünd aver eenige in’n glieken Tietruum opdeckt worrn un, en Striet över de Naams weer de Naklapp. De Historie vun jemehr Opdecken geiht torüch bit in de 1960er Johren. Bileggt weer de Striet eerst 1997.
An den Striet weern dree Partein bedeeligt: Een weer en US-amerikaansche Grupp an’t Lawrence Berkeley National Laboratory vun de University of California, Berkeley, en annere weer en sowjetische Grupp an’t Vereenigte Institut för Karnforschung in Dubna bi Moskau un opletzt en düütsche Grupp vun de Sellschop för Sworionenforschung (GSI) in Darmstadt.
| Atomtall | Systemaatsch Naam |
IUPAC ’97 Offizielle Naam |
Berkeley | Dubna | GSI[1] | IUPAC ’94[2] |
|---|---|---|---|---|---|---|
| 104 | Unnilquadium | Rutherfordium (Rf) | Rutherfordium (Rf) na Ernest Rutherford |
Kurtschatowium (Ku) na Igor Kurtschatow |
— | Dubnium (Db) na de Stadt Dubna |
| 105 | Unnilpentium | Dubnium (Db) | Hahnium (Ha) na Otto Hahn |
Nielsbohrium (Ns) na Niels Bohr |
— | Joliotium (Jl) na Irène un Frédéric Joliot-Curie |
| 106 | Unnilhexium | Seaborgium (Sg) | Seaborgium (Sg) na Glenn T. Seaborg |
— | — | Rutherfordium (Rf) |
| 107 | Unnilseptium | Bohrium (Bh) | — | — | Nielsbohrium (Ns) | Bohrium (Bh) |
| 108 | Unniloctium | Hassium (Hs) | — | — | Hassium (Hs) na’t Bundsland Hessen |
Hahnium (Ha) |
Igor Kurtschatow weer de Vadder vun de sowjetischen Atombomb, wat för de US-Amerikaner nich to akzepteern weer. Man, de US-amerikaansche Naam för dat Element 106 weer wedder för annere unmööglich, vunwegen, dat Glenn T. Seaborg noch leven de.
De Vörslääg vun de International Union of Pure and Applied Chemistry (IUPAC) vun 1994 weern en Versöök, den Striet dormit to lösen, dat dat Element 104 na dat russ’sche Dubna nöömt warrn schüll, un dat Element 106 den Naam vun Rutherford kriegen schüll, de denn free weer. Dorvun wull aver de American Chemical Society (ACS) nix weten, vunwegen dat dat Opdecken vun Element 106 dör en US-amerikaansche Grupp nich in Twievel togen weer, un dorüm dat Naamsrecht alleen bi disse Grupp leeg. Bito harr de Naam Rutherfordium al Ingang funnen in de Lehrböker un schüll al dorüm nich för en annert Element bruukt warrn.
Op dat 39. Drapen vun den Council vun de IUPAC vun’n 29. bit 20. August 1997 in Genf sünd de ne’en Vörslääg vun’t Committee on Nomenclature of Inorganic Chemistry (CNIC )annahmen worrn[3] des Committee on Nomenclature of Inorganic Chemistry (CNIC)[4]. Dormit hebbt de Elementen denn jemehr offiziellen Naams kregen.
Bi den Vörslag vun de düütsche Grupp för dat Element 109 Meitnerium geev dat keen Striet, man toeerst weer nich kloor, dat de IUPAC den Naam ok annehmen deit. Dat is 1997 denn aver passeert. Ok de Vörslääg vun’t GSI för de Elementen 107 un 108 weern toeerst nich annahmen un sünd denn ok eerst 1997 bestätigt worrn[1].
Kiek ok
ännern- Cheemsch Element mit en List vun all Elementen un jemehr Opdeckers
Borns
ännern- ↑ a b IUPAC verabschiedet Namen für schwere Elemente – GSI-Vorschläge für die Elemente 107 bis 109 akzeptiert. (PDF; 1,0 MB).
- ↑ Names and symbols of transfermium elements (IUPAC Recommendations 1994). In: Pure and Applied Chemistry. Band 66 (12), 1994, S. 2419–2421 (doi:10.1351/pac199466122419; PDF, 172 kB).
- ↑ Names and symbols of transfermium elements (IUPAC Recommendations 1997). In: Pure and Applied Chemistry. Band 69 (12), 1997, S. 2471–2474 (doi:10.1351/pac199769122471; PDF, 167 kB).
- ↑ IUPAC Adopts Final Recommendations for Names of Transfermium Elements (in’t Webarchiv), 30. August 1997; afropen an’n 26. März 2019.