Elizabeth Ryan

Elizabeth Montague Ryan (* 8. Februar 1892 in Anaheim, Kalifornien; † 6. Juli 1979 in Wimbledon, Grootbritannien) weer en US-amerikaansch Tennisspelerin.

Elizabeth Ryan (r.) mit de franzöösch Spelerin Suzanne Lenglen (1914)

Loopbahn

As Eenzelspelerin hett Elizabeth Ryan dat nich henkregen, een vun de groot Turniere to winnen. Se stunn tweemal in dat Endspeel vun Wimbledon (1921 gegen Suzanne Lenglen, 1930 gegen Helen Wills Moody) un eenmal (1926) in’t Endspeel vun Forest Hills (gegen Molla Mallory), hett disse Spelen aver jümmer verloren.

In de Düppelkonkurrenz is se aber bit hüüd en vun de spoodriekste Spelerinnen. Bi 13 Endspeeldeelnahmen wunn se 12 Mal: 1914, 1919 - 1923, 1925, 1926, 1927, 1930, 1933, 1934. In de Mixed-Konkurrenz weer se ähnlich spoodriek. Hier wunn se bi 10 Endspeeldeenahmen 7 Mal mit fiev verscheeden Partners. Ok bi de Düppel- un Mixedwettstrieden in Paris un Forest Hills weer se spoodriek.

1972 wurr se in de International Tennis Hall of Fame upnommen.

Weblenken

• Elizabeth Ryan in de International Tennis Hall of Fame (engelsch mit Bild)