Elmer Snowden
Elmer Snowden (* 9. Oktober 1900 in Baltimore, Maryland; † 14. Mai 1973 in Philadelphia, Pennsylvania) weer en US-amerikaansch Banjospeler, Bandleader un Musikünnernehmer.
He speel en swingenden Stil up sien Banjo, dat he as en Mandolien in Quinten stimmt harr. He is bekannt as de oorsprünglich Baas vun de Washingtonians, de nah en Striet mit Snowden sück Duke Ellington to’n nee Baas wählt hebbt. In de 1920er Johren hett he bit to fiev Bands ünner sien Naam managt. Count Basie, Jimmie Lunceford, Bubber Miley, "Tricky Sam" Nanton, Frankie Newton, Benny Carter, Rex Stewart, Roy Eldridge and Chick Webb hebbt dorbi in de Bands, de he managt hett, speelt. En mit Bessie Smith upnommen Schallplatt ut dat Johr 1925 weer de Höhepunkt vun sien Jazz-Karriere. In de fröh 1960er Johren nehm he mit Lonnie Johnson Langspeelplatten up un nehm 1967 an de Berliner Jazzdaag deel.[1]
Diskographische Henwiesen
ännernHarlem Banjo (OJC, 1960) mit Cliff Jackson, Tommy Bryant, Jimmy Crawford
Enkeld Nahwiesen
ännern- ↑ En vun de thematisch Swoorpunkten dor weer de „Historie des Gitarrenspiels im Jazz“, wobi dat Banjo as Wegbereiter vun de Gitarr ansehn wurr; anner Deelnehmer weern Jim Hall, Sonny Sharrock un Buddy Guy.
Weblenken
ännern- Elmer Snowden im The Red Hot Archive (engelsch)