Emilie de Ravin

Emilie de Ravin (* 27. Dezember 1981 in Mount Eliza, Victoria) is en austraalsche Schauspelersche, de dör Rullen in verschedene Feernsehregen bekannt worrn is.

Leven un Wark

Ravin is al siet Ehr Kindheit op künstlerisch Rebeet ünnerwegens. Mit negen Johren füngt se mit Ballettünnericht an. Mit föffteihn weer se an’t renomeerteste Balletinstitut vun Australien opnahmen. Se stünn för vele Produkschonen vun de Australian Ballet Company op de Bühne as ok för’t Festival Danceworld 301.

Weltwiet bekannt worrn is se as Claire Littleton in een vun de Hööftrullen in de US-amerikaanschen Feernsehreeg Lost, de se vun 2004 bit 2010 speelt hett. In den Horrorfilm The Hills Have Eyes hett se 2006 en Nevenrull hatt. En wietere Hööftrull speel se 2010 as Ally Craig in den Kinofilm Remember Me.

Se hett in’n Juni 2006 ehrn Schauspeelkolleg Josh Janowicz heiraat, man de Eh hett man jüst söss Maanden hollen.

Filmografie

Johr	Titel	Synchroonsnacker
1999-2000	BeastMaster, Feernsehreeg dt.: BeastMaster – Herr der Wildnis	Sonja Reichelt
2000-02	Roswell, Feernsehreeg	Diana Borgwardt
2002	Carrie, Feernsehn	Stefanie von Lerchenfeld
2005	Brick	Julia Kaufmann
2005	Santa’s Slay dt.: Santa’s Slay – Blutige Weihnachten	Julia Kaufmann
2006	The Hills Have Eyes dt.: The Hills Have Eyes – Hügel der blutigen Augen	Ilona Brokowski
2009	High Noon, Feernsehn dt.: Im Licht des Vergessens	Ilona Brokowski
2010	Remember Me dt.: Remember Me – Lebe den Augenblick	Anna Grisebach
2010	The Chameleon dt.: Das Chamäleon	Katharina von Keller
2004-10	Lost, Feernsehreeg	Ilona Brokowski
2012	Americana, Feernsehn
2013	Air Force One is Down, Feernsehn-Tweedeeler	Ilona Otto
2015	The Submarine Kid
2012	Hulluna Saraan
2012-18	Once Upon a Time, Feernsehreeg dt.: Once Upon a Time – Es war einmal …	Ilona Brokowski

Utteken

För ehr Filmwark weer de Ravin bit hüüt veer mol för Filmpriesen nomineert. Uttekent weer se eerst eenmol, neemlich 2006 vun de Screen Actors Guild Awards tosamen mit ehr Kollegen in de Kategorie Best Dorstellen vun en Ensemble in en Drama-Reeg in de Feernsehreeg Lost.

Weblinks

Emilie de Ravin. Mehr Biller, Videos oder Audiodateien to’t Thema gifft dat bi Wikimedia Commons.

Emilie de Ravin in de Internet Movie Database (engelsch)