Enzo Moser
Enzo Moser (* 5. November 1940 in Palù di Giovo, Trentino; † 25. Juli 2008 ok dor) weer en italieensch Radrennfohrer.
Enzo Moser weer Profi van 1962 bit 1967. 1961 wunn he den Trofeo Alcide Degasperi. Sien gröttste Spood weer aber de Sieg bi dat eerst Utdragen vun den Giro del Trentino 1962. 1963 belegg he bi den Giro d’Italia up de 19. Deelstreck Platz twee un een Johr later kunn he twee Daag lang dat Maglia Rosa dragen. Nah sien Rückträe vun den aktiven Sport weer he ok as Sportlich Leider tätig.
2008 keem he to Dood, as he bi de Landarbeit vun en Trecker överfohren wurr. Siet 2009 heet de Utteknung bi den Giro del Trentino för den kämperischsten Fohrer Premio „Enzo Moser“.
Enzo Moser stamm ut en Radsportfamilie: He weer de tweetöldste vun veer Rennfohrer-Broers, deren bekanntste sien jüngst Bröer Francesco un sien öldst Bröer Aldo sünd. Ok dree vun sien Neffen sünd Radsportler, dorünner Leonardo Moser, de intüschen sien Loopbahn afslooten hett, as ok de sien Bröer Moreno, de siet 2012 as Neoprofi för dat Team Liquigas-Cannondale fohrt.