Francesco Moser
Francesco Moser (* 19. Juni 1951 in Palù di Giovo, Trentino) is en ehmalger italieensch Radrennfohrer. In de 1970er un 1980er Jahren weer he en van de spoodriekst Rennfohrer. Hüüd stellt Moser, de ok en Tiet lang regionalpolitisch tätig weer, Fohrööd her.
Loopbahn
ännern1972 nehm Moser an de Olympisch Spelen deel un keem dor bi den Sieg van Hennie Kuiper up den 8. Platz. 1973 wurr he denn Profi. He gull as Spezialist för dat Tietfohren un kunn in sien Loopbahn aber ok völ wichtige Eendagsrennen up sien Naam schrieven, so de italieenschen Klassiker Mailand–Sanremo 1984 as ok de Lombardei-Rundfohrt 1975 un 1978. Dreemal nahnanner 1978 bit 1980 wunn he dat Koppsteenplaasterrennen Paris–Roubaix un wiedere veer Mal stunn Moser dorto bi dit Rennen up dat Podium. 1977 wurr Moser in Venezuela Straaten-Weltmeester vör Dietrich Thurau un Franco Bitossi.
1984 wunn Moser den Giro d’Italia, ofschons he van de Statur her kien hervörragend Klauterer weer un sien Vörsprung bi dat Tietfohren heruthaalen muss. Insgesamt hett Moser bi den Giro 19 Deelstrecken wunnen un wiedere twee bi sien eenzig Deelnahm bi de Tour de France 1975, de he up Platz söben afsluuten dee. Beindruckend is aber sien Serie bi den Giro: 12-mal hett he deelnommen, eenmal wurr he Sieger, dreemal keem he up den 2. Platz, tweemaal up Platz 3 un in dree Deelnahmen keem he ünner de best Teihn.
1984 hett Moser mit en besünners konstrueert Tietfohrrad un den eerstmaligen Gebruuk un en "Bullhorn"-Lenker van 3ttt in de Hööcht van Mexiko-Stadt den twalf Johr ollen Stünnweltrekord van Eddy Merckx verbetert. Neben de technisch nee Saaken hett Moser, as he nahderhen togeeven hett, Bloottransfusionen bruukt, wat to de Tiet noch nich as Blootdoping verboden weer.[1] He is 50,808 km fohren un stieger dissen Wert veer Daag later up 51,151 km, en Leistung, de eerst negen Johr later van Graeme Obree överdraapen wurr. Moser hett sien Loopbahn 1987 afslooten.
Bit hüüd legendär is de Rivalität van Moser mit sien Landsmann Giuseppe Saronni. De beid Weltklassefohrer hemm de italieensch Tifosi in de laat 1970er un fröh 1980er Johren in twee konkureeren Fangruppen deelt, vergliekbor blots mit de Konkurrenz tüschen Gino Bartali un Fausto Coppi över dartig Johren tovör.
Van 1994 bit 1999 weer Moser för den Partito Autonomista Trentino Tirolese Afordneter in den Trentiner Landdag un van 1999 bit 2007 Präsident van de Cyclistes Professionnels Associés (CPA), de Vereenigung van de Radprofis.
Familie
ännernFrancesco Moser stammt ut en Radsportfamilie: He is de jüngste van veer Bröers, de Rennfohrer weern. Sien öldst Bröer Aldo weer neben hüm de bekannteste. Ok mehrere van sien Neffen sünd Radrennfohrer, dorünner Leonardo Moser, de sien Loopbahn ok all afslooten hett, as ok de sien Bröer Moreno Moser, de siet 2012 as Neoprofi för dat Team Liquigas-Cannondale fohrt. En anner Bröer is Enzo Moser.
Wat he schafft hett (Uttoog)
ännern- Giro d’Italia 1984
- UCI-Straaten-Weltmeesterschapen 1977
- Mailand–Sanremo 1984
- Paris–Roubaix, 1978, 1979, 1980
- Lombardei-Rundfohrt 1975, 1978
- Italieensch Meesterschap 1975, 1979, 1981
- Paris–Tours 1974
- Meesterschap van Zürich 1977
- La Flèche Wallonne 1977
- Gent–Wevelgem 1979
