Eric Allin Cornell

Eric Allin Cornell (* 19. Dezember 1961 in Palo Alto, Kalifornien) is en US-amerikaansch Physiker. Hüm wurr 2001 de Nobelpries för Physik tospraaken.

Leben

Eric Cornell wurr an‘ 19. Dezember 1961 as dat öldste vun dree Kinner vun en Perfesser för Bauwesen an dat Massachusetts Institute of Technology (MIT) un en Engelschlehrerin an de High School boren. He studeer Physik an de Stanford University un gung nah sien Diplom 1985 an dat MIT nah Cambridge, de Stadt, in de he siet sien tweet Levensjohr wahnt harr. He hett in de Arbeitsgrupp vun David E. Pritchard an de Massenbestimmung vun ³He und ³H arbeit un hett dor 1990 sien Doktertitel maakt. To bemarken is, dat nah den Weggang vun Cornell vun dat MIT, Wolfgang Ketterle in de Arbeitsgrupp rinkeem, de later mit Cornell den Nobelpries kreeg.

Cornell hett sück för en Postdoc-Stäe bi David Jeffrey Wineland an dat National Institute of Standards and Technology (NIST) bewurben, wurrn aber nich annommen. An Stee vun dat wurr he vun Sarah Gilbert, de sien Vorstellungsgespräch mit anhörrt harr, an de hör Ehemann Carl Edwin Wieman vermittelt, de an dat Joint Institute for Laboratory Astrophysics (JILA) in Boulder beschäftigt weer. He bleev denn ok nah sien beid Postdoc-Johren as Assistenzperfesser an dat JILA un wurr 1995 to’n Perfesser nömmt, siet 1994 is he ok Fellow an dat NIST.

Eric Cornell hett in‘ Januar 1995 Celeste Landry heiraadt, de he all teihn Johr tovör in Stanford kennen lehrt, aber weer ut de Oogen verloren harr. He hett twee Döchter, Eliza (* 1996) un Sophia (* 1998).

2004 mussen hüm de linke Arm un en Deel vun sien linke Schuller wegen Nekrotiseerende Fasziitis amputeert wurrn.

Wark

2001 wurr he gemeensam mit Carl Edwin Wieman un Wolfgang Ketterle mit den Physiknobelpries „für die Erzeugung der Bose-Einstein-Kondensation in verdünnten Gasen aus Alkaliatomen und für frühe grundsätzliche Studien über die Eigenschaften der Kondensate“ uttekent. Nah de spoodriek Ertüügen vun de Bose-Einstein-Kondensate erforscht he sietdem de physikalischen Eegenschapen vun disse Systeme.

Utteknungen

1995 Samuel Wesley Stratton Award (National Institute of Science and Technology)
1995–96 Newcomb-Cleveland-Pries (American Association for the Advancement of Science)
1996 Goldmedaille vun dat Department of Commerce
1996 Fritz-London-Pries för Deeptemperaturphysik
1996 Carl-Zeiss-Forschungspries, Ernst-Abbe-Stiftung
1997 Alan T. Waterman Award (National Science Foundation)
1997 Internatschonaler König-Faisal-Pries för Wetenschapen
1997 Rabipries för Atom-, Molekülphysik un Optik (American Physical Society)
1997 Wahl to’n Fellow der American Physical Society
1998 Lorentz-Medaille (Königlich-Nedderlannsch Akademie vun de Wetenschapen)
1999 Benjamin-Franklin-Medaille för Physik
1999 R.-W.-Wood-Pries (Optical Society of America)
2000 Wahl to’n Fellow der Optical Society of America
2000 Liddmaat vun de National Academy of Sciences
2001 Nobelpries för Physik
2005 Liddmaat vun American Academy of Arts and Sciences

Weblenken

Eric Allin Cornell. Mehr Biller, Videos oder Audiodateien to’t Thema gifft dat bi Wikimedia Commons.