Erika Rumsfeld
Erika Rumsfeld (* 8. März 1919 in Bremen; † 30. Juli 1998[1] ok dor) weer en düütsche Schauspelerin, de vör allen för ehr plattdüütsche Rullen bi dat Waldau-Theater in Bremen bekannt weer. Se weer aver ok in’t Feernsehn un in Höörspelen to sehn un to hören.
Rumsfeld is 1919 as Dochter von en Schlosser in Bremen boren un in Walle an’n Steffensweg un an de Deesdorper Strate opwussen.[2] Se weer op de Evermannschool an de Helgolanner Strate un hett na de School bi de Bank anfungen.[2] Egentlich wull se dor al lever Ballett un Gesang lehren, aver von wegen dat Geld is dor nix von worrn.[2] In’n Hauptberoop hett se denn över 40 Johr lang bi de Bremer Bank arbeidt.[3] An’n 31. März 1979 hett se bi de Bremer Bank ehren Afscheed nahmen.[4] Liekers weer de Schauspeleree de gröttste Kunstante in ehr Leven. Al 1933 hett se bi de „Volkskunstspielgemeinschaft“ in Walle op de Bühn stahn.[3] Later is ut düsse Speelgemeenschop dat Waldau-Theater worrn. Bi dat Waldau-Theater hett se vele Johrteihnten lang speelt.
1979 hett se för ehr Wark den Richard-Ohnsorg-Pries wunnen un 1987 den sülvern Roland von de Volksbühn Bremen.[5][3]
Rumsfeld is 1998 doodbleven un liggt op’n Karkhoff Walle begraven. Ofschoonst se as as plattdüütsche Volksschauspelerin bekannt weer, hett de Dochter von en Fro ut Sachsen privaat ehr Leven lang Hoochdüütsch snackt.[2]
Filmografie (Utwahl)
ännern| Johr | Titel | Rull |
|---|---|---|
| 1967 | Das Fräulein | Erna Diepholz |
| 1978 | Vier Stunden von Elbe 1 | Tante Lise |
| 1976–1978 | Loriot | verschedene |
Höörspelen
ännern- Lock in’n Tuun. 1951
- Wenn de Hahn kreiht. 1951 (as Trina Witt)
- Knops gegen Knips. 1952
- Dat Speel von den rieken Mann. 1952
- De Pott is twei. 1953
- Tein Jahr un dree Daag. 1954 (as Greet)
- Von dem Fischer und seiner Frau. Ein altes Märchen im neuen Gewande. 1955
- De Vergant-Schoster. 1955
- Konzert in Dippelshagen. 1955
- Den Diek sluten! 1956
- Moder Maree. 1956
- Foffteinhunnert Mark! 1957
- Bürgermeisterwahl. Der kleine Wahlkampf. 1957
- De Plättmaschin. 1960
- Hans Brüggemann. 1961
- Droom an’n Hilligabend. 1964
- De Düwel mit dree gollen Haar. 1964
- De Fischer un sien Fro. 1965
- In Luuv un Lee de Leev. 1965
- Wenn de Hahn kräht. 1969 (as Gesine)
- De sülvern Mööw. 1977
- Die Gedenktafel. 1988
- Vertell wat vun fröher. 1989
Footnoten
ännern- ↑ Todesanzeige, Weser-Kurier von’n 4. August 1998, Sied 16
- ↑ a b c d Zwischen Bank und Bühne, Weser-Kurier von’n 19. November 1993, Sied 18
- ↑ a b c „Jümmer Nees ut Hart un Seel“. Die populäre Volksschauspielerin Erika Rumsfeld ist gestorben, Weser-Kurier von’n 4. August 1998, Sied 9
- ↑ Erika Rumsfeld feiert Jubiläum, Weser-Kurier von’n 10./11. März 1979, Sied 16
- ↑ Erika Rumsfeld erhielt den silbernen Roland, Weser-Kurier von’n 26. September 1987, Sied 21