Hauptmenü öffnen

Walle (Bremen)

Stadtdeel vun Bremen
Stadtdeel vun Bremen
Walle
Bremen-Walle.png
Wat to seggen is  Rang 
Flach: 8,338 km² 17/23
Inwahners: 27.463 12/23
Inwahnerdicht: 3.294 Inwohners/km² 7/23
Andeel Butenlänners: 15,7 % 6/23
Arbeitslosenquoot: 23,6 % 6/23
Wannehr: Midde 2005
Ortsdelen: Utbremen
Steffensweg
Westend
Walle
Oosterfüerbarg
Hohweg
Website: Ortsamt West
E-Mail-Adresse: office@oawest.bremen.de

Walle is en vun de 19 Stadtdelen vun Bremen un höört to’n Stadtbezirk West.

Korte HistorieÄnnern

1139 steiht de Naam vun Walle dat eerste Mol in en Urkunn to lesen. Vun 1524 af an is dat en egen Kaspeel ween. In dat Johr 1635 hett de Ridder Christoph Ludwig Raschen Goot un Hoff Walle in Pacht nahmen. 1658 is över sien Graff de Karktoorn boot wurrn.

In Walle hett up den Galgenbarg de Bremer Galgen stahn. He is 1811 afbraken wurrn. 1812 weert to’n eersten Mol de Inwahners tellt. Dormols weern dat 493 Lüde. 1821 warrt de Waller Chaussee anleggt. Up den vörmoligen Galgenbarg liggt vun 1828 af an de Stadt Bremen ehr Pulverlager. 1833 köfft de Familie Achelis dat Goot Walle un de Grundstücken dor ümto. Dor leggt se en Park up an, dat is hüdigendags de Waller Park. 1848 kummt de Feldmark Utbremen na de Stadt Bremen. 1862 warrt de Iesenbahn vun Bremen na Geestemünn upmaakt un löppt dör Walle dör. 1875 warrt denn de Waller Karkhoff fardig. De kathoolsche St.-Marien-Kark för de velen Industriearbeiders, de ut Polen inwannert weern, warrt 1898 inwieht. Vun 1899 af an gifft dat en elektrische Stratenbahn vun Bremen na Walle-Bogenstraat. 1905 warrt in Walle Europa sien gröttsten Watertoorn henstellt. 1914 gifft dat denn ok en Iesenbahnstop an’n Bahnhoff Walle.

De Volksschool Sleswiger Straat warrt 1920 in en Reformschool umwannelt un 1924 maakt de twete Reformschool an de Helgolänner Straat up. De Waller Park warrt 1928 as Volkspark an Jan un Allemann övergeven un in datsülvige Johr maakt dat Waller Seebad up. Ok dat Volkshuus an de Noordstraat warrt in düt Johr vun de Gewerkschaften open maakt. 1933 stellt se in Utbremen in Funktoorn hen, de 90 m hooch is. De is ganz ut Holt. Later slöög dor en Blitz in. Dorna is en Funktoorn ut Stahl an siene Stede treden. In’n Tweten Weltkrieg sünd grote Delen vun Walle to Dutt gahn, ganz besunners bi en swaren Luftangreep in de Nacht vun’n 18. un 19. August 1944.

Na denn Krieg is 1955 an de Schipperstraat in Utbremen dat eerste Bremer Hoochhuus fardigstellt wurrn. 1960 leven 47.750 Inwahners in Walle. 1975/76 folg de Bo vun dat hööchste Huus in’n Stadtdeel. Dat weer dat Hoochhuus Almatastraat mit 69 m. 1986 is de Telekommunikatschoonstoorn Bremen (Ökelnaam: Waller Spargel) henstellt wurrn. De Iesloophall Paradice maakt 1998 up un 1999 kümmt denn dat Inkoopzentrum Walle-Center. 2002 nümmt sik de Stadt Bremen vör, de Waller Heerstraat wedder up Schick to bringen (Sanierungsgebiet).

Oortsdelen vun WalleÄnnern

UtbremenÄnnern

SteffenswegÄnnern

WestendÄnnern

WalleÄnnern

OosterfüerbargÄnnern

HohwegÄnnern

WeblinksÄnnern