Ernst-Otto Schlöpke

Ernst-Otto Schlöpke (* 12. August 1922 in Niestadt; † 11. Juni 2011 in Leendaal) weer en plattdüütschen Schriever.

Schlöpke is 1922 in Niestadt boren un weer dor op de Volksschool un op de Realschool. Schlöpke hett denn von 1939 bet 1942 en Lehr as Koopmann maakt. He is denn Soldaat in’n Tweten Weltkrieg worrn. Na’n Krieg weer he Schauspeler. He hett later as Verlagsanstellten in Scharbeutz arbeidt un sik denn ümscholen laten un von 1957 af an as Pharmareferent arbeidt. Bet 1963 hett he in Niestadt leevt, denn is he na Bremen tagen.

1982 is sien Stück Doktur Puust mit Fritz Hollenbeck in de Höövdrull för dat Feernsehn verfilmt worrn.

He hett 1963 den Freudenthal-Pries wunnen, 1966 den Förderpries von de Friedrich-Hebbel-Stiftung un 1970 den Hans-Böttcher-Pries von de Stiftung F.V.S. in Hamborg.

Warken ännern

  • Tieden sünd dat… Plattdüütsche Lieder för Triangel un söben Pauken. Verlag der Fehrs-Gilde, Hamborg 1963
  • De Glücksgaloschen. Mahnke, Veern [1964] (toeerst opföhrt von dat Ohnsorg-Theater an’n 2. Februar 1964)
  • Twee Ohren hett de Minsch. Verlag der Fehrs-Gilde, Hamborg 1973, ISBN 3-87849-006-2
  • Die Welt steiht Kopp. Verlag der Fehrs-Gilde, Hamborg 1977, ISBN 3-87849-012-7
  • Doktor Puust. Komödie in 5 Törns. Mahnke, Veern, 1981
  • Uns’ Leben is en Sommerdroom. Mit Leporello durch Schleswig-Holsteen. Husum-Druck- und Verlags-Gesellschaft, Husum 1981, ISBN 3-88042-145-5
  • Amot hett sien Höög. Quickborn-Verlag, Hamborg 1991, ISBN 3-87651-133-X
  • Ünnerwegens opsammelt. Jung, Kiel 1995, ISBN 3-929596-26-1
  • Na sowat! Jung, Kiel 1999, ISBN 3-929596-70-9
  • Biweeglangs opsammelt. LIMO-Audiobook, Badbergen [2006] (CD)

Literatur ännern

  • Karin Holtje: Das niederdeutsche Hörspielwerk von Ernst Otto Schlöpke. Examensarbeit zur Ersten Lehrerprüfung für das Lehramt an Volksschulen. Kiel 1968

Weblenken ännern