Ernst Adickes
Justus Heinrich Friedrich Ernst Adickes (* 18. August 1845 op Good Heuhusen; † 17. Juli 1909) weer en düütschen Jurist.
Adickes is 1845 as Söhn von Anna Dorothea (Doris) Caterina, borene Müller (21. März 1816–13. Januar 1878), un den Politiker Ernst Friedrich Adickes (7. März 1811–26. Januar 1878) op Good Heuhusen bi Dorum boren.[1] He weer op dat Gymnasium Hannover un hett denn Juristeree an de Universitäten Heidelberg, Göttingen un Berlin studeert.[1] Na Dat Studium is he in’n hannöverschen Justizdeenst gahn.
He is 1878 Amtsrichter bi dat Amtsgericht Soltau worrn, 1886 denn bi dat Amtsgericht Neehuus un 1892 bi dat Amtsgericht Neenborg.[1] Dor is he bet to sien Dood 1909 Amtsrichter bleven.[1]
Von 1881 bet 1886 weer he Präsident von’n Land- un Forstweertschoplichen Provinzialvereen för dat Förstendom Lümborg.[2]
To Anfang von de Johren 1880 hett Adickes in Bienbüddel en Fischtuchtanstalt grünnt, de later von de Provinz Hannover övernahmen worrn is.[1] He weer Maat von’n Utschuss von’n Düütschen Seefischereevereen un Vörsitter von’n Westdüütschen Fischereeverband.[1]
Bi de Wahlen 1885 to dat Prüüßsche Aforntenhuus weer he Kannedaat för de Natschonalliberale Partei in’n Wahlkreis Lümborg 3 (Fambossel, Soltau). He kunn sik dor aver nich dörsetten.[3]
Adickes hett an’n 12. Juli 1881 in Soltau Heloise (Helo) Emma Helene Meyer freet.[4]
Footnoten ännern
- ↑ a b c d e f Mitteilungen des Deutschen Seefischerei-Vereins. Berlin 1909, Sied 234
- ↑ Festschrift zur Feier des 75jährigen Bestehens zu Ebstorf, am 26. Mai 1905. L. Mundschenk, 1905, Sied 105
- ↑ Thomas Kühne: Handbuch der Wahlen zum preussischen Abgeordnetenhaus: 1867-1918. Droste, 1994, Sied 560
- ↑ http://gedbas.genealogy.net/person/show/1007804329