Erwin Contreras

Erwin Rafael „Winchi“ Contreras (* 4. Juli 1966 in San Ignacio) is en fröheren Footballspeler un nu Politiker ut Belize (UDP).

Leven

Contreras is 1966 in San Ignacio boren. He hett dat St. John’s College in Belize-Stadt besöcht un denn Weertschop an de University of the West Indies studeert. Dat Studium hett he mit en Associate Degree afslaten.

Contreras is verheiraadt un hett twee Kinner.

He weer in junge Johren Footballspeler un hett in twee Spelen von de Qualifikatschoon för de Football-Weltmeesterschop 1998 för de Football-Natschonaalmannschop von Belize speelt: an’n 2. Juni 1996 bi dat 1:2 in’t Henspeel un an’n 9. Juni 1996 bi dat 4:1 in’t Rüggspeel gegen Panama.

Contreras hett bi de Barclays Bank un de Belize Bank arbeidt un weer Junior Accountant bi Deloitte & Touche. Ok bi de Development Finance Corporation hett he arbeidt. 1993 bet 1995 weer he bi dat Ministerium för Weertschopliche Entwicklung anstellt.

Politik

Bi de Parlamentswahl in Belize 1998 weer he Kannedaat för de UDP in’n Wahlkreis Cayo West un hett de Wahl mit 49,60 % von de Stimmen knapp gegen Amin Hegar von de PUP wunnen. Ok bi de Wahlen 2003 (54,26 % von de Stimmen gegen Kendal Mendez, PUP), 2008 (61,20 % gegen Mendez), 2012 (62,86 % gegen Oscar Sabido, PUP) un 2015 (61,15 % gegen Lesbia Lissette Guerra, PUP) kunn he sik in’n sülven Wahlkreis wedder dörsetten.

Dormit is he siet 27. August 1998 Afornten von dat Repräsentantenhuus von Belize. He weer ünner Premierminister von’n Februar 2008 bet 9. März 2012 (Kabinett Barrow I) Minister för Weertschopliche Entwicklung, Hannel, Industrie un Verbrukerschuul, von’n 9. März 2012 bet 9. November 2015 (Kabinett Barrow II) Minister för Hannelsinvestment, Privaatsektor-Entwicklung un Verbrukerschuul un siet 9. November 2015 (Kabinett Barrow III) Minister för Weertschopliche Entwicklung, Eerdööl, Investment un Hannel.