Ethos

Dat Ethos (greek. "ἔθος" „Wennst, Bruuk“; "ἤθος" „Charakter, den Sinn siene Aart, Bruuk, Wennst“) is en Begreep, de in de Philosophie bruukt warrt.

Philosophie

Dor is denn allens mit meent, wat de enkelte Minsch an Bruken mitkregen hett un wat em dor ok üm prägen un wat sien Doon un Laten bestimmen deit. Vun Ethos kümmt ok dat Woort „Ethik“ vun her.

Rhetorik

In de klassische Rhetorik, so, as Aristoteles de upfaat' hett, meent Ethos een vun de dree Aarden mit, wo Minschen mit övertüügt weern könnt. Düsse Aarden sünd dat Pathos (dat is de Gewalt vun den Redner un siene Anspraak an den Töhörer siene Geföhlen), de Logos (dat sünd de richtigen Slüss un de Bewiesen, de de Redner anbringen deit) un dat Ethos. Dor meent Aristoteles in düssen Tosamenhang de Autorität vun den Redner mit un dat man em glöven kann, wat he seggt.

Kiek ok

• Weltethos
• Ethologie
• Ethik