Eugene Polley
Eugene Joseph Polley (* 29. November 1915 in Chicago, Illinois as Eugene Theodore Polley; † 20. Mai 2012 in Downers Grove) weer en US-amerikaansch Ingenieur, de ünner annern de kabelloos Feernbedeenen für Feernsehers utfunnen hett.
Leven
ännern
Polley studeer an de City Colleges of Chicago un an dat Armour Institute of Technology (hüüd Illinois Institute of Technology), hett dat aber ut finanziell Grünnen ahn Afsluss verlaaten un nehm en Stäe as Regalupfüller bi de Zenith Electronics Corporation an. Later weer he in de Entwicklungsafdeelen vun de Firma tätig, in de he wiels den Tweeten Weltkrieg ünner annern Radarsysteme för de Armee entwickeln dee.[1]
1955 entwickel he de eerste kabelloos Feernbedeenen, de as Flash-Matic up den Markt keem. Later hett he sück ünner annern mit Videocassetten, Autoradios mit Druckknööp un de Entwicklung vun de Video-CD befaat.[1] Polley hull all tosommen 18 Patente.[2]
Nah 47 Johren in' Deenst vun de Firma gung he 1982 in den Ruhestand. In' Mai 2012 is Polley denn in dat Öller vun 96 Johren storven.[3] Polley weer verheiraadt un harr een Söhn un een Dochter.
Ehrungen
ännern- 1996: Emmy för Technik un Ingenieursleistungen[4]
- 2009: IEEE Masaru Ibuka Consumer Electronics Award[5]
Literatur
ännern- Margalit Fox: Eugene Polley, Conjuror of a Device That Changed TV Habits, Dies at 96. In: The New York Times. 22. Mai 2012.
Enkeld Nahwiesen
ännern- ↑ a b Der Erfinder der Fernseh-Fernbedienung ist tot. In: Die Welt. 23. Mai 2012
- ↑ TV remote control inventor Eugene Polley dies at 96. In: BBC News. 22. Mai 2012
- ↑ Margalit Fox: Eugene Polley, Conjuror of a Device That Changed TV Habits, Dies at 96. In: The New York Times. 22. Mai 2012.
- ↑ List vun de Emmy-Priesdräger Technik
- ↑ List vun de Priesdräger vun den IEEE Masaru Ibuka Consumer Electronics Award (PDF)