Europääsch Minnerheiten-Filmfestival

Dat Europääsche Minnerheiten-Filmfestival is en Filmfestival, bi dat vör allen Films vun un över de Minnerheiten in Europa wiest warrt. Organiseert warrt dat all twee Johr vun de Freesch Vereenigung un vun de Föderale Union vun de Europääschen Volksgruppen. De eerste Pries bi dat Festival is en fief Kilo swore Statue ut Iesen vun’n Bildhauer Arne Prohn.

Dat eerste Festivsal geev dat op Initiativ vun Thies Boysen vun’n 25. bet to’n 27. August 2005 in Flensborg un Openra. Dat weer noch nich europääsch utleggt un mehr för de düütsche un däänsche Minnerheit in dat Grenzland.

2006

Bi dat twete Festival vun’n 13. bet to’n 15. November 2006 in Husum, nu ganz op Minnerheiten in Europa fokusseert, hebbt se disse Films wiest:

Foighidinn (schottsch-gäälsch)
Sportman fan ’e ieu (westfreesch)
staila crudanta (rätoromaansch)
ci co cunta (ladiensch)
Macbeth (saamsch)

Nich in’e Konkurrenz wiest:

Ik san Anne (noordfreesch)
Retuorn (rätoromaansch)

Wunnen hebbt Bo Landin un Alex Scherpf mit Macbeth op Saamsch.

2008

Bi dat drüdde Festival vun’n 16. bet to’n 18. November 2008 in Husum hebbt se disse Films wiest:

Kutsidazu bidea, Ixabel (basksch)
Dankert & Dankert: De Swarte Ingel (westfreesch)
Le Rëgn de Fanes (ladinsch)
Seachd (schottsch-gäälsch)
Calon Gaeth (walisisch)

Nich in’e Konkurrenz wiest:

Wat san we? Frasche! (noordfreesch)

Wunnen hebbt Fernando Bernues un Mireia Gabilondo mit Kutsidazu bidea, Ixabel op Basksch.

Weblenken

Websteed vun dat Festival (engelsch)