Eva Háková
Eva Háková (* as Eva Burešová am 8. Juli 1969 in Karlovy Vary, Tschechoslowakei) is en ehmalge tschechische un tovör tschechoslowaaksch Biathletin. Se hett an dree Olympisch Winterspelen un söss Biathlon-Weltmeesterschapen deelnommen.
Eva Háková, verheiraadt Sportlehrerin ut Horní Branná, bedreev siet 1988 Biathlon un se is för den Vereen SKP Jablonex start. En eersten Spood reck se noch ünner hör Gebortsnaam Burešová startend bi de Weltmeesterschapen 1989 in Feistritz an der Drau, wo se an de Siet vun Renata Novotná un Jiřina Adamičková de Bronzemedaille mit de Staffel wunn. Mit de Mannschap, to de noch Jana Kulhavá hörrn dee, keem se up den söbenten Platz. Siet Anfang vun de 1990er Johren hörr se noch för de Tschechoslowakei startend to de Weltspitze in' Biathlon. So wunn se bi de Biathlon-Weltmeesterschapen 1992, bi de de nich olympisch Mannschaps-Wettkamp utdragen wurr, gemeensam mit Gabriela Suvová, Jana Kulhavá un Jiřina Adamičková de Bronzemedaille achter de Teams ut Düütschland un de GUS. Ok de Saison 1992/93 fung sportlich spoodriek an. Glieks in dat eerste Saisonrennen reck se den 2. Platz in't Eenzel achter Anne Briand in Pokljuka. Dat weer ok hör best Ergevnis in' Weltcup. Dornah geev dat noch dree wiedere Ergevnisse ünner de best Teihn. Wenig later nehm se in Borowez an de Biathlon-Weltmeesterschapen 1993 deel un belegg de Platzen söss in' Eenzel, 48 in' Sprint un mit Kulhavá, Adamičková un Petra Nosková den 12. Platz in' Mannschapswettbewarf. Den gröttsten Erfolg in hör Loopbahn reck se aber in dat Staffelrennen, bi dat Háková an de Siet vun Kulhavá, Adamičková un Iveta Knížková de Goldmedaille winnen kunn. In de Gesamtwertung vun den Weltcup keem se in de Saison up Platz 11. In Lillehammer nehm de Tschechin 1994 eerstmals an Olympisch Winterspelen deel un wurr 35. vun dat Eenzel, 9. vun dat Sprintrennen un wurr mit Kulhavá, Pelcová (tovör Adamičková) un Knížková Söbente in dat Staffelrennen.
Dat nächst Grootereignis wurrn de Biathlon-Weltmeesterschapen 1995 in Antholz. Háková is in dree Rennen antreeden un wurr 23. in' Eenzels, 9. in' Sprint un 12. in dat Staffelrennen. In' Weltcup reck se in de Gesamtwertung Platz 22, nahdem se in de Vörsaison as ok in de Folgesaison 21. weer. De Weltmeesterschapen 1996 brochen in Ruhpolding de Platzen 47 in' Einzel, 16 in' Sprint un Rang söben sowohl mit de tschechisch Staffel as ok in de Mannschap. In Ridnaun wunn se bi de Biathlon-Europameesterschapen 1996 vör Soňa Mihoková un Galina Kuklewa den Titel in' Sprint. 1997 kunn se mit veert Platzen in Ruhpolding un Antholz ebenso in de Top-Ten loopen as to'n Uptakt vun de Saison 1997/98 in Lillehammer bi veert Rängen in twee Sprint- un een Verfolgungsrennen. In Nagano is Háková 1998 to'n tweeten Mal bi Olympisch Winterspelen antreeden un belegg dor de Platzen 53 in' Einzel, 26 in' Sprint un mit Kateřina Holubcová, Irena Česneková un Jiřina Pelcová Rang söss in de Staffel. In dat up dat olympisch Eenzel footen Weltmeesterschaps-Rennen in de Verfolgung keem noch en 27. Platz dorto. De Saison 1998/99 weer de letzte Saison, in de Háková hör Leistung in de Weltklass hollen kunn un nochmals 18. vun de Gesamt-Weltcupwertung wurr. Bi de Weltmeesterschapen 1999, de wegen weerbedingten Problemen nich blots in dat oorsprünglich plaant Kontiolahti sonner ok an' Holmenkollen in Oslo dörführt wurrn mussen, gelung hör en 19. Platz in' Eenzel, Rang 42 in' Sprint un mit Holubcová, Pelcová un Česneková de elfte Rang in' Staffelwettbewarf.
2000 is Háková in Kościelisko bi de Biathlon-Europameesterschapen un leep up Platz negen in' Eenzel, 18 in' Sprint, 13 in de Verfolgung un wunn mit Holubcová, Jitka Simunková un Česneková achter de Mannschap vun de Slowakei de Sülvermedaille. Dat folg denn de letztmalige Deelnahm an Weltmeesterschapen. In Oslo keem de Tschechin up Platz 28 in' Eenzel, wurr 48 in' Sprint un 46 in de Verfolgung un belegg mit de Staffel Rang teihn. Nah de Saison 1999/2000 hett Háková bit kört vör de Olympisch Winterspelen 2002 in Salt Lake City en Paus maakt. Eerst in Oberhof is se nah mehr as een Johr Ünnebreeken weer internatschonal antreeden. Bi de olympisch Wettkämpen in Soldier Hollow reck Háková bi hör dart un letzt Spelen Rang 35 in' Eenzel, 34 in' Sprint, 25 in de Verfolgung un wurr mit Holubcová, Magda Rezlerová un Česneková Achte in dat Staffelrennen. Afsluss vun hör Loopbahn wurrn de Biathlon-Europameesterschapen 2002 in Kontiolahti. Nahdem Háková in' Eenzel blots 17. weer, verpass se as Veertplatzeerte gegen Liv-Kjersti Eikeland um söss Sekunn en Medaille in dat Sprintrennen. In dat Verfolgungsrennen verlor se dree Platzen un wurr Söbente. Ok in de Staffel verpass se an de Siet vun Rezlerová, Zdeňka Vejnarová un Česneková as Veertplatzeerte knapp en Medaille.