Eva Viehoff
Eva Viehoff (* 1958 in Soltgitter) is en düütsche Politikerin von Bündnis 90/De Grönen. Se is siet 2017 Afornte in’n Landdag von Neddersassen.
Leven
ännernViehoff is 1958 in Soltgitter boren. Se hett Agrarwetenschoppen an de Universität Kiel studeert. Lange Tied hett se för dat Alfred-Wegener-Institut för Polar- un Seeforschung arbeidt un weer dor acht Johr lang Beopdragte för Froonslüüd. Na düsse Tied hett se von 2008 af an för dat Projekt Komm mach MINT för mehr Froonslüüd in Wetenschop un Technik (MINT-Fächer) arbeidt. Dat Projekt is von dat Bundsbildungsministerium fördert worrn.
Se arbeidt as Senior Consultant bi dat Kumpetenzzentrum Technik-Diversity Chancengleichheit in Builefeld.
Se hett dree grote Kinner un leevt mit ehren Levenspartner in Lox.
Politik
ännernViehoff is 1995 bi de Grönen intreden. Se is siet 1996 Maat in’n Gemeenraad von de Gemeen Lox un siet 2006 in’n Kreisdag von’n Landkreis Cuxhoben. Dor is se Frakschoonsvörsitterin von de Grönen un siet 2011 ok Viez-Landraad.
Bi de Bundsdagswahl 2013 weer se Direktkannedaat för den Bundsdagswahlkreis Cuxhoben-Stood II un hett dor 6,1 % von de Eerststimmen kregen. Dormit hett se keen Direktmandaat kregen. Op de Landslist von de Grönen in Neddersassen stünn se op Platz 9, wat ok nich utreckt hett, üm in’n Bundsdag intotehn.
För de Landdagswahl in Neddersassen an’n 15. Oktober 2017 weer se de Direktkannedaat in’n Landdagswahlkreis Ünnerwerser un hett 8,14 % von de Eerststimmen kregen. Dat hett nich reckt, üm en Direktmandaat to winnen. Viehoff kunn aver över Platz 9 op de Landslist von de Grönen in’n Landdag intehn.
Weblenken
ännern- Viehoff ehr Websteed (hoochdüütsch)