Evelyn Waugh

Arthur Evelyn St. John Waugh (* 28. Oktober 1903 in London; † 10. April 1966 in Taunton) weer en engelschen Schriever.

Evelyn Waugh, 15. Dezember 1940, Foto vun Carl van Vechten

Leven un Ansichten

Evelyn Waugh sien Vadder weer Rutgever. He süms studeer in Oxford up Historiker. He schreev in jummers leifige Spraak Romaans, wo dat üm Tietkritik un to'n Deel ok üm Satire bi güng.

Waugh is as jungen Schriever fix goot upnahmen wurrn. He höör to de junge Upper Class in de 1920er Johren to, de dat an nix fehlen dö. Besunnern Spaaß harr he an de Bildkunst .Sien eerstet Book güng över dat Leven vun Dante Gabriel Rosetti un to siene Novell "Love Among the Ruins" hett he süms de Biller tekent. Siene eerste Eh is ut'neen broken. Wat dat för em bedüden dö, hett he 1934 in "A Handful of Dust" beschreven. Laterhen is he to de Röömsch-Kathoolsche Kark övergahn. Jummers mehr stünn he alleen mit sik in'e Eck. En vun siene roren Frünnen weer Graham Greene. Dat warrt seggt, he is wat afsunnerlich wurrn un wat de Politik angeiht, stünn he up de Siet vun de Reaktschoon. He wüss nix gegen de Politik vun Franco un Benito Mussolini intowennen. De sozialen Reformen in England na den Tweeten Weltkrieg lehn he just so af, as dat Tweete Vatikaansche Konzil un sien Reformen binnen de Kathoolsche Kark an'n Anfang vun de 1960er Johren.

In siene Böker weet he afsunnerlich goot Dialogen to schrieven (Dat gifft wecke över twee Sieden hen). Bavenhen hett he dat, wat en Swarten Humor nömmt: In "Black Mischief" fritt de Anti-Held ut Versehn sien Deern up un "The Loved One" speelt in de Welt vun US-amerikaansche Bestatters. En ganze Reeg vun Schrievers, as Muriel Spark un V.S. Naipaul, hefft sik wat bi em afkeken. Naipul wull as jungen Mann just so schrieven, as Waugh.

Stephen Fry hett den Film "Bright young things" ut Waugh sien Book "Vile bodies" maakt.

De meisten Lüde lehren Waugh kennen, as vun sien Romaan "Brideshead Revisited" för en Miniserie vun dat britsche TV to'n Film maakt wurrn is. Dor weern Jeremy Irons unLaurence Olivier mit bi un över de ganze Welt hen hefft Lüde sik dat 1982 ankeken. Ut "A Handful of Dust" is en Film mit Sir Alec Guiness wurrn. He geev oorntlich wat up Waugh. Al fröher hett dat en Film över "The Loved One" geven. Dor weern Rod Steiger un John Gielgud mit bi. Speelbaas weer Tony Richardson. Waugh sien öllern Broder Alec Waugh is ok Schriever ween. Sien Söhn Auberon Waugh (1939-2001) weer en beetschen Kolumnisten.

Warken

Hier staht de Böker vun Waugh to lesen, so as se up Engelsch un Düütsch rutkamen sünd. Up Platt gifft dat nix vun em to lesen.

• 1928 Decline and Fall (Auf der schiefen Ebene)
• 1930 Vile Bodies (Aber das Fleisch ist schwach / Lust und Laster)
• 1930 Labels
• 1930 Remote People
• 1932 Black Mischief (Schwarzes Unheil / Die schwarze Majestät)
• 1934 A Handful of Dust (Eine Handvoll Staub)
• 1934 Ninety-Two Days
• 1935 Edmund Campion (Edmund Campion. Jesuit und Blutzeuge / Saat im Sturm)
• 1936 Waugh in Abyssinia
• 1936 Mr. Loveday's Little Outing and Other Sad Stories (Erzählungen)
• 1938 Scoop (Der Knüller / Die große Meldung)
• 1939 Robbery Under Law
• 1942 Put Out More Flags (Mit Glanz und Gloria)
• 1943 Work Suspended and Other Stories (Erzählungen)
• 1945 Brideshead Revisited (Wiedersehen mit Brideshead)
• 1946 When the Going Was Good (Als das Reisen noch schön war)
• 1947 Scott King's Modern Europe (Ferien in Europa)
• 1947 Wine and Piece in War
• 1948 The Loved One (Tod in Hollywood)
• 1950 Helena
• 1952-1961 Sword of Honour (Trilogie über den Zweiten Weltkrieg) (Ohne Furcht und Tadel)
  • 1952 Men At Arms
  • 1955 Officers and Gentlemen
  • 1961 Unconditional Surrender
• 1953 Love Among the Ruins. A Romance of the Near Future (Und neues Leben blüht aus den Ruinen)
• 1957 The Ordeal of Gilbert Pinfold (Gilbert Pinfolds Höllenfahrt)
• 1959 The Life of the Right Reverend Ronald Knox (Ronald Knox)
• 1960 A Tourist in Africa
• 1963 Basil Seal Rides Again
• 1964 A Little Learning

Filmen

Hier staht de Filmen so to lesen, as de up Engelsch oder up Düütsch to sehn weern.

• 1965 - Tod in Hollywood (The Loved One) - Speelbaas: Tony Richardson
• 1967 - Sword of Honour (TV-Trilogie)
• 1968 - Decline and Fall… of a Birdwatcher (Up Grundlaag vun den Romaan "Decline and Fall")
• 1972 - Scoop (Fernsehserie mit 7 Delen)
• 1981 - Brideshead Revisited (Fernsehserie mit 11 Delen)
• 1987 - Scoop - Sensationsnachricht (Scoop) - Speelbaas: Gavin Millar
• 1988 - Eine Handvoll Staub (A Handful of Dust) - Speelbaas: Charles Sturridge
• 2001 - Sword of Honour
• 2003 - Bright Young Things (Up Grundlaag vun den Romaan "Vile Bodies")
• Ankünnigt: Brideshead Revisited (Schall 2008 rutkamen)

Böker un Schriften över Waugh

• Selina Hastings: Evelyn Waugh. A biography. Sinclair-Stevenson, London 1994. ISBN 1-85619-223-7
• Douglas Lane Patey: The life of Evelyn Waugh. A critical biography. Blackwell, Oxford 1998. ISBN 0-631-18933-5
• David Wykes: Evelyn Waugh. A literary life. Macmillan, Basingstoke 1999. ISBN 0-333-61138-1

Weblinks

• En Evelyn-Waugh-Websiet vun David Cliffe