Ewart W. Francis
Ewart William Emmanuel Francis (* 26. Dezember 1912 in Belize-Stadt; † 1991) weer en Jurist un Politiker ut Brietsch-Honduras/Belize.
Francis is 1912 as Söhn von Bernice Laidman un George William Francis in Belize-Stadt boren.[1] He weer op dat St. John’s College in Belize-Stadt un denn op dat Calabar College in Kingston, Jamaika.[1] He hett in Grootbritannien Juristeree studeert un weer Maat von Lincoln’s Inn.[1] He is 1952 as Avkaat tolaten worrn un hett 1953 anfungen in Brietsch-Honduras to praktizeren.[2] Von 1953 bet 1965 weer he ok Landvermeter för de Regeren von Brietsch-Honduras.[2]
He weer von’n 12. März 1965 bet 3. Oktober 1974 Präsident von’n Senaat von Brietsch-Honduras.
Von 1964 bet 1974 weer he ok Direkter von de Development Finance Corporation.[1] Tosätzlich weer he Vörsitter von’n Avkatenvereen von Belize (Belize Bar Association).[1]
Francis weer mit Norma Rivero un Ivy Myrtle Leslie verheiraadt.[1] Mit Norma Rivero harr he dree Söhns un een Dochter.[1]
Ehren ännern
To Neejohr 1967 is Francis Officer of the Most Excellent Order of the British Empire worrn un to Neejohr 1976 Commander of the Most Exclelent Order of the British Empire. Tosätzlich weer he Kroonavkaat.[1]