Föhlspriet

Föhlspriete(n) oder Antennen weert in de Zoologie de Extremitäten nömmt, de poorwiese an’n Kopp vun de meisten Liddfööt an sitten doot. As de Naam seggt, könnt se mit düsse Lief-Utlopers föhlen, dat heet, dor sitt de Tast- un de Rööksinn in.

De lüttjen fedderhaftigen Föhlbössen bi en Woold-Stahflege (Volucella pellucens)

Mank de groten Gruppen vun de Liddfööt hefft bloß de Keevklauendregers (Chelicerata) keen Föhlspriete. De Sessfööt mit de Insekten dormank, man ok de Kreefte un de Dusendfööt hefft meist all Föhlspriete utbillt. Mank de Sessfööt sünd dat bloß de Beengrabbelers (Protura), de ohn Föhlspriete utkamen doot. As ehr Naam al andutt, föhlt se mit de Vörbeen. De Tastorgane an den Kopp vun de Keevklauendreegers heet Pedipalpen.

Ok de Kopptentakels bi de Sniggen weert Föhlspriete nömmt. Normolerwiese heft de Nymphen bi de Insekten Föhlsprieten, de sik en beten verscheelt vun de Groten ehre Antennen. Faken sünd se körter oder eenfacher tohopenboot.

Galerie

• 
  De Fedder-Föhlspriete bi en Büschelmugge (Chaoboridae)
• 
  Föhlspriet vun dat Witte C.
• 
  En Kakerlaak ehre Föhlspriete
• 
  Föhlspriete bi Langusten mit bannig dicken Anfang
• 
  Rode Lüttantennen un platte Föhlspriete bi Borenkreefte

Weblenken

Föhlspriete(n). Mehr Biller, Videos oder Audiodateien to’t Thema gifft dat bi Wikimedia Commons.