Füür
Füür (n.) is dat wat’n sehn daht, wenn en brennboren Kram mit Warms un Flammen opgeiht. För en Füür ward jümmers veer Saken brukt: en brennboren Kram (to’n Bispeel Holt, Popier, drög’t Gras usw.), Suerstoff, de richtige Brenntemperatur un de richtig Mangels twüschen Suerstoff un den brennboren Kram.
![](http://upload.wikimedia.org/wikipedia/commons/thumb/f/ff/Fire02.jpg/220px-Fire02.jpg)
Jenadem wat’n verbrennen deit, gift dat ünnerscheedlik Hitt. T.B. brennt Holt normaal all bi 320 bet 380 °C, holten Köhl brennt bi üm un bi 800 °C un Steenköhl brennt bi 2200 °C.
Bi beste Bedingung kann de Gloot bi en hölten Füür üm 800 °C Hitt hebben, un to glieke Tied kann de Flamm, dor wo de hellste Farv to sehn is, bet to 1100 °C Hitt hebben.
Dat Füür an sik sütt’n as Kulturtechnik an, dat heet: As de Vöröllern vun de Minschen mit dat Füür umgahn lehrt hebbt, wehr dat’n ganz groten Schritt in de Richen to de Zivilisation.