Füür

(wiederwiest vun Füer)

Füür (n.) is dat wat'n sehn daht, wenn een brennboren Kram mit Warms un Flamm'n opgaht. För een Füür ward jümmers veer Saaken brukt: een brennboren Kram (ton Bispeel Holt, Popier, drög't Gras usw.), Suerstoff, de richtig Brenntemperatur un de richtig Mangels twüschen Suerstoff un den brennboren Kram.

Jenadem watt'n verbrennen deit, gift dat ünnerscheedlik Hitt. T.B. brennt Holt normaal all bi 320 bet 380°C, holten Köhl brennt bi üm un bi 800°C un Steenköhl brennt bi 2200°C.

Bi beste Bedingung kann de Glooot bi een hölten Füür üm 800°C Hitt hebben, un to glieke Tied kann de Flamm, dor wo de hellste Farv to sehn is, bet to 1100°C Hitt hebben.

Dat Füür an sik süht'n as Kulturteknik an, dat heet: As de Vöröllern vun de Minschen mit dat Füür umgahn lehrt hefft, wehr dat 'n ganz grooten Schritt in de Richen to de Zivilisation.