Falkenborg (Landkreis Cuxhoben)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27624 | |
| Vörwahl: | 04745 | |
| Geograafsche Laag: | Koordinaten:53° 37′ N, 8° 53′ O53° 37′ N, 8° 53′ O | |
|
| ||
Falkenborg (hoochdüütsch Falkenburg) is en Hoff in de Gemeen Geestland in’n Landkreis Cuxhoben, Neddersassen. De Hoff höört polietsch von öllers bi Ankloh mit bi un is Deel von de Oortschop Beers binnen de Gemeen.
Geografie
ännernDe Hoff Falkenborg liggt an’n Falkenbörger Beek, de in’n Beerser See münnt.
De Naveröörd sünd Steenau-Höörn in’n Noorden, Möhdiek un Ankloh in’n Noordoosten, Lührsfeld in’n Süüdoosten, Lintig in’n Süden un Beers in’n Westen.
Historie
ännernOp Falkenborg schall fröher de Falkneree von de Borg Beers ween hebben.
Verwaltungsgeschicht
ännernDe Oort hett vör 1859 to de Vaagdie Lintig in de Böörd Ringst, Amt Beers, tohöört un denn von 1859 bet 1885 to dat Amt Leh. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort hett von öllers to de Gemeen Ankloh höört, de 1968 Deel von de Gemeen Beers worrn is. An’n 1. April 1971 is Beers Maat von de eerste Samtgemeen Beers worrn, ut de mit de Gemeenreform in Neddersassen to’n 1. März 1974 de ne’e, gröttere Samtgemeen Beers worrn is. To’n 1. Januar 2015 sünd Gemeen un Samtgemeen oplööst worrn un dat Rebeed höört nu to de Gemeen Geestland. De fröhere Gemeen Beers billt nu en Oortschop binnen de Gemeen.
Inwahnertall
ännern| Johr | Inwahners |
|---|---|
| 1793[1] | 2 Füürsteden |
| 1824[2] | 3 Füürsteden |
| 1. Dezember 1871[3] | 6 Lüüd, 1 Huus |
Religion
ännernFalkenborg is evangeelsch-luthersch präägt un höört to dat Kaspel Beers. Bet 1969 hett dat noch to dat Kaspel Ringst höört.
Weertschop un Infrastruktur
ännernVerkehr
ännernFalkenborg is över den Falkenbörger Weg mit Ankloh verbunnen. Von Ankloh geiht denn de Ankloher Straat na Beers un de Kreisstraat 37 an de Landsstraat 116 bi Lintig.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 18 Kilometer in’n Westen von Falkenborg.
De nächste Bahnhoff is so bi 18 Kilometer wied weg in’n Süden de Bahnhoff Geestenseth an de Bahnlien Bremerhoben–Buxthu. Von 1896 bet 1968 hett dat ok Personenverkehr op de Bahnlien Bremerhoben–Beers geven. De Bahnhoff Beers leeg fiev Kilometer in’n Westen von’n Oort.
Scholen
ännernDe Kinner ut Falkenborg gaht na de Grundschool Beers.
Footnoten
ännern- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 72: https://books.google.de/books?id=jN5QAAAAcAAJ&pg=RA1-PA72
- ↑ C. H. Jansen: Statistisches Handbuch des Königreichs Hannover. 1824, Sied 180: http://books.google.de/books?id=tG0AAAAAcAAJ&pg=RA1-PA180
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151: https://books.google.de/books?id=qTZDAQAAMAAJ&pg=RA2-PA151
