Fatt
Een Fatt (n. pl. Fatten) oder ok Tunn (f. pl. Tunnen) is een Gelaat, fröher ut Holt, hüttaudags ok ut Iesen un Plastik. Een Fatt nimmt’n to’n Lagern vun alle Oorten fletigen Kraam. Normaal hett een Fatt minstens een, öftens aber ok twee Löcker to’n Infüllen un Rutlaten vun de Fletigkeet. De Fatten in de hütigen Form, gifft dat woll alle vun vör uns Tietreken. Ut Holt, in Düütschland mehrstens Ekenholt, tohopen sett’te Fatten wören fröher mit Roden ut Wiedenholt, Hasselnööt oder Barkenholt tohopen holen. Wat löter kemen denn gesmeete Iesenbänner üm de Fatten. De Oort Holtfatten, wie se jümmer noch handwarklik herstellt ward, geef dat all bi de Kelten un Römers. De modernen Fatten ut Iesenbleck, Liechtmetall oder Plastik ward in Fobriken un denn in grote Stücktall herstellt.
De Holtbreder von dat Fatt warrt Staff oder Staven nöömt, de Bänner heet Fattband, Tünnband oder Bandstock.
