Felix Stillfried

Felix Stillfried (egentlich Adolf Ferdinand Rudolf Brandt; * 26. September 1851 in Fahrbinde; † 5. Juni 1910 in Rostock) weer en plattdüütschen Schriever un Dichter.

Leven

Opwussen is Stillfried in Lütt Rogahn. Vun 1863 af an güng he op dat Gymnasium in Swerin. In Rostock un Leipzig hett he denn vun 1871 bet 1874 op Theologie un Ooltphilologie studeert. He weer dorna toeerst Huuslehrer, denn Oberlehrer un later Gymnasiallehrer an de Grote Stadtschool in Rostock.

Ehrungen

Al 1912 hebbt se in Lütt Rogahn en Denkmal för Stillfried opstellt mit en Relief, dat de Bildhauer Wilhelm Wandschneider maakt hett. Siet 2002 hett de School in Stralendörp sien Naam.

Warken

Otto Heidmüller, Felix Stillfried Fest-Theater zur Feier des 50jähr. Geschäfts-Jubiläums des Hofbuchhändlers D. C. Hinstorff in Wismar am 2. Sept. 1881. Wismar, Hinstorff, 1881. anonym rutkamen. Dor mit in: Leid' un Freud' up'n Lann' orrer Vadder un Dochter. Ein ländliches Gemälde in 2 Aufzügen.
De Wilhelmshäger Kösterlüd Deel 1, Rostock, Koch, 1887
De Wilhelmshäger Kösterlüd'. Zweiter Theil. Deel 2, Rostock, Koch, 1888
Ut Sloß un Kathen, Leipzig, Koch, 1890 (1. Oplaag von Dürten Blanck)
Biweg' lang - Ok en Struss Läuschen un Rimels, Rostock, Werther, 1895
In Lust un Leed - Plattdeutsche Gedichte, mit Nadichtungen to Horaz un Scenen ut Homer, Wismar, Hinstorff, 1896.
De unverhoffte Arwschaft, Erzählung, Stuttgart, Deutsche Verlags-Anstalt, 1898
Hack un Plück, Geschichten, Rostock, Koch, 1900
Dürten Blanck, Leipzig, Lenz, 1903
Wedderfunn'n. De Hex von Moitin, Twei Geschichten mit einer Einleitung von Ludwig Schröder, Leipzig, Hesse, 1905
Fritz Stoppsack un anner Geschichten, Hamburg, Quickborn-Verlag, 1918

Literatur

Heinrich Klenz: Felix Stillfried, ein niederdeutscher Dichter. Kaufungen-Verlag, Rostock 1911