Flagg vun Äthiopien

De Flagg vun Äthiopien mit dat aktuell Hoheitsteeken wurr an‘ 6. Februar 1996 offiziell inführt un an‘ 28. August 2009 licht verännert. De hör togrunnen liggen Trikolore wurr all in‘ dat 19. Johrhunnert bruukt un is de Oorsprung vun de Panafrikaansch Farven.

Flagg vun Äthiopien

Bedüüden

Kenenisa Bekele mit de äthioopsch Flagg 2009 in Berlin

De Farven wurrn verscheeden düüt. De amtliche Symbolik is:

• Gröön steiht för de Fruchtborkeit vun de Eer vun dat Land.
• Geel steiht för de Leev to dat Vaderland.
• Root steiht för Kraft un erinnert an dat Blood, dat in‘ Kamp gegen de Ünnerdrücker vergaaten wurr.

Togliek staht de Farven ok för de bedüüdenst Deelen vun dat Land:

• Gröön för Shewa
• Geel för Amhara
• Root för Tigre

In dat Kaiserriek weer de Farven folgend Bedüüden toschreeven:

• Gröön weer dat Symbol vun dat Land
• Geel stunn för de Kark, Freeden un natüürlich Riekdom
• Root weer de Farv vun de Kraft un dat Bloot vun de Patrioten

Wiedere Düüden wurrn den religiösen Beriek toschreeven.

• En dorvan betreckt sück up de christliche Dreefaltigkeit un de christlichen Tugenden. Dornah steiht,
  • Gröön för den Hilligen Geist un dat Haapen
  • Geel för Gott Vader un de Nächstenleev
  • Root för Gott sien Söhn un den Glooven

• In den Glooven vun de Rastafari, de ünner annern in Shashemene verbreedt is, wurrn den Farven, in umgekehrt Reeg, folgend Bedüüden toschreeven:
  • Root för dat Blootvergeeten un de Morde an den verschleppt Slaven,
  • Gold för den Riekdom, den man den Slaven (Sufferahs, „Liedende“) klaut hett,
  • Gröön för dat geloovte Moderland Äthiopien oder allgemeen Afrika, dat up de Heimkehr vun de Verschleppten töövt.

Dat Emblem in‘ middleren Striepen vun de Flagg wiest en strahlend Pentagramm mit gliek lang „Strahlen“. Dat steiht symbolisch för de Gliekheit vun all ethnisch Gruppen as ok Geslecht un Gloovensricht. De Strahlen staht för en strahlende Tokunft vun Äthiopien, de blau Achtergrund steiht för Freeden un Demokratie.

Geschichte

De Flagg entstunn wohrschienlich dör de Vereenigung vun dree trennt Wimpel in de in Äthiopien beleevt Farven Gröön, Geel un Root un wurr eerstmals an‘ 6. Oktober 1897 inführt. Dat Kaiserriek wies dorto en Lööw mit en Krüüzstaff un en Banner in de Natschonalfarven, den so nömmten Lööw vun Judas oder Kaiserlöwen. Ok Trikoloren ahn Lööw weern in Gebruuk. De Flagg harr dormals en Siedenverhältnis van 2:3. Vermootlich weern de Trikoloren vun Frankriek un vun Italien hier dat Vörbild to Anordnung to dree Striepen. Tüschen 1936 un 1941 weer Äthiopien vun Italien besett un in‘ Mai 1941 wurr de äthioopch Flagg weer in Gebruuk nommen. Wiels de italieensch Besetten wurr disse Fahn to’n Freeheitsbanner.

1975 verschwunn de Kaiserlööw ut de Flagg, tosommen mit dat Kaiserdom. 1987 is man in dat Siedenverhältnis to 1:2 wesselt un hett dat Emblem vun de Demokraatsch Volksrepubliek infügt. 1991 wurr de Trikolore ahn Emblem inführt un dat nee Siedenverhältnis bleev. Disse Flagg is ok hüüd noch wiet verbreedt. 1996 hett man en nee Emblem up de Flagg inführt, dat 2009 noch wat vergröttert wurr.

• 
  2:3 Natschonalflagg vun dat Kaiserriek mit den Lööw vun Judas, 1897 bit 1936 un 1941 bit 1974
• 
  2:3 Flagg vun Italieensch-Ostafrika, 1936 bit 1941
• 
  2:3 Natschonalflagg van 1975 bit 1987
• 
  1:2 Flagg vun Äthiopien 1987–1991
• 
  1:2 Natschonalflagg vun de DVR, 1991 bit 1996
• 
  1:2 Natschonalflagg, 1996 bit 27. August 2009

Flaggen vun de Bundsstaaten

• 
  Afar
• 
  Amhara

• 
  Benishangul-Gumuz
• 
  1:2 Flagg vun de Autonomen Region Eritrea van 1950 bit 1962 (inoffiziell bit 1993)
• 
  Gambela
• 
  Harar

• 
  Oromiyaa
• 
  Somali
• 
  Region vun de südlichen Natschonen, Natschonalitäten un Völker
• 
  Tigray

Flaggen vun Rebellengruppen

• 
  Revolutschonäre Demokraatsche Eenheitsfront vun de Afar
• 
  Oromo-Befreeungsfront

Literatur

• Whitney Smith, Ottfried Neubecker: Wappen und Flaggen aller Nationen. Battenberg, München 1980, ISBN 3-87045-183-1.

Weblenken

Flaggen vun Äthiopien. Mehr Biller, Videos oder Audiodateien to’t Thema gifft dat bi Wikimedia Commons.

• Flags of the World - Ethiopia (engelsch)