Flagg vun Kuba
De Flagg vun Kuba wurr an' 20. Mai 1902 offiziell inführt. Siet de Unafhängigkeit vun Spanien is dat de Staatsflagg vun Kuba.
Beschrieven ännern
.svg)
De Flagge besteiht ut fiev gliek groot, horizontaal Striepen in de Farven Blau un Witt. Up de linke Siet wurrn de Striepen dör en root, gliekschenklig Dreeck överdekt. In de is en witt, fiefzackig Steern dorstellt, de sück in en imaginären Kreis befind, de sien Midden up den geometrischen Swoorpunkt vun dat Dreeck liggt.
Historie ännern
1823: De Fahn vun de Soles y Rayos de Bolívar ännern
1823 hett de Freemüererloge Sünn un Strahlen Bolivars (Soles y Rayos de Bolívar) tosommen mit anner Geheimsellschoppen nah dat Vörbild vun Simón Bolívar en Upstand up Kuba versöcht, dör den de spaansch Kolonialherrschap an de Siet keem un de República de Cubanacán drünnd wurrn sull.
Disse Fahn wies en Sünn up blau Grund, de vun en root Rahmen umrand wurrd.
1850: De Fahn vun den Narciso López ännern
1850 broch de Annexionist Narciso López en Flagg nah Kuba, de de amerikaansch Flagg nahempfunnen weer. Dat eerste Exemplar wurr vun Emilia Teurbe Toton neiht. Hör Mann Miguel hett dat Staatswappen vun Kuba schafft. Narciso López harr plaant, Kuba vun de spaansch Kolonialherrschap to befreen un in de USA intogleedern. He is 1850 mit en Invasionstrupp up Kuba land, de Versöök, de Spanier to verdrieven, gung aber scheef, un he wurr as Hoochverräter in Havanna henricht.
1868: De Fahn vun Carlos Manuel de Céspedes ännern
De Céspedes-Flagg van 1868 un hüüdige Gösch vun Kuba
As 1868 Carlos Manuel de Céspedes up sien Goot La Demajagua de Slaven freelaaten dee un mit den Grito de Yara to'n Kamp gegen de spaansch Kolonialherrschap uproopen dee, hett sück de vun hüm bruukt Fahn düütlich vun de vun Narciso López bruukt Fahn ünnerscheed. De Afsicht vun Céspedes weer dat, en kubaanschen Staat to schaffen, de weder vun Spanien noch vun de USA afhängig ween sull.
In den denn folgen kubaanschen Unafhängigkeitskamp tüschen 1868 un 1898 kunn he sück nich gegen de vun de Idee vun den Ansluss an de USA övertüügten Suckerbarone un Slaven hollen Grootgrundbesitter vun den kubaanschen Westen dörsetten, wat sück ok in de Wahl vun de Natschonalflagg utdrücken deiht. So hett sück de Flagg vun Narciso López gegen de vun Carlos Manuel de Céspedes as hüüdige Natschonalflagg vun Kuba dörsett. Immerhen aber is de Céspedes-Flagg hüüd de Gösch vun de Marine vun Kuba.
De Flagg vun Kuba as Vörbild ännern
De Flagg vun Puerto Rico ähnelt de kubaansch Flagg, wiels de puerto-ricaansch Unafhängigkeitsbewegen gegen de spaansch Kolonialmacht den kubaanschen Unafhängigkeitskrieg to'n Vörbild harr. Blots de Farven blau un root sünd tuuscht.
Weblenken ännern
- Símbolos de la nación cubana – Acerca de la bandera (spaansch)
- Flags of the World - Cuba (engelsch)