Flagg vun Nebraska

De Flagg vun den US-Bundsstaat Nebraska wurr 1925 inführt.

– Flagg vun Nebraska;

Symbolik

Seegel vun Nebraska

De Flagg wiest up blau Flaggendook dat golden Seegel vun Nebraska ut dat Johr 1867. Dit wiest as Symbol för de Landwertschap un Industrie vun den Staat en allegorische Landschap.

Dör den Achtergrund fohrt vör en Barglandschap en Damplokomotive mit anhangt Waggons. Up den Stroom, den Missouri, fohrt en Damper. En Blockhütt un Weetenbündel staht för de Bedüüden vun de Siedler un Landwertschap. In’n Vördergrund arbeit en Schmeed an sien Amboss.

An de Tipp vun dat Seegel steiht up en Spröökband dat Motto vun den Bundsstaat: „Equality Before the Law“ (Gliekheit vör dat Gesett).

Trivia

In en 2001 dörführt Internet-Afstimmen vun de North American Vexillological Association (dat is de Noordamerikaansch Flaggenkunn-Verband) wurr disse Flagg ünner de US-Bundesstaaten un kanaadsch Provinzen up den vörletzten Platz wählt.

Literatur

• The Flag Institute (Hrsg.): Nationalflaggen der Welt. Hamburg: Edition Maritim, 2000. ISBN 3-89225-402-8
• Karl-Heinz Hesmer: Flaggen und Wappen der Welt. Geschichte und Symbolik der Flaggen und Wappen aller Staaten. Gütersloh: Bertelsmann Lexikon Verlag, 1992. ISBN 3-570-01082-1

Weblinks

• The Nebraska State Flag (engelsch)