Nebraska is en Bundsstaat vun de USA. He breet sik ut över en Rebeet vun 200.520 km². De Hööftstadt is Lincoln. De Staat liggt in den Middelwesten vun de USA. De Naam kümmt ut de Indianer-Sprake Chiwere un bedutt „sied Water“. Dat hett to doon mit den Platte River, de dör dat Land fleten deit. Vörmols höör Nebraska to de „Great American Desert“ (Grote amerikaansche Wööst) mit to, man hüdigendags warrt in dat Land veel Landweertschop bedreven. Dor hett Nebraska ok sien Ökelnaam vun weg: „Cornhusker-State“ („Koornspieker-Staat“). De Inwahners vun Nebraska hefft dat Land mit Hölp vun de moderne Landweertschop in en Land vull mit Ranches un Farmen verwannelt. Den Staat siene Geschicht is dorüm ok deep verbunnen mit de Bueree.

Laag vun Nebraska binnen de USA
Flagg vun Nebraska

Geographie ännern

Nebraska grenzt an South Dakota in'n Norden; Iowa un Missouri in'n Oosten, achter den Missouri River; Kansas in'n Süden; Colorado in'n Südwesten, un Wyoming in'n Westen. De gröttste Stadt is Omaha, de Hööftstadt is Lincoln. Nebraska liggt tomidden de Great Plains an den westlichen Rand vun den „Wetengördel“ („Grain Belt“. En vun de Slogans vun Nebraska is: „Wo de Westen anfangt“ (Where the West begins).

Inwahners ännern

Nebraska hett 1.768.331 Inwahners (Stand: Census 1.7.2006], dormank 88,6 % Witte, 4,1 % Swatte un Afroamerikaners, 0,9 % Indianer, 1,7 % Asiaten, 7,4 % Hispanics.[1]

Religion ännern

De Karken mit de meisten Liddmaten weern in dat Johr 2000 de Röömsch-kathoolsche Kark mit 372.791 Liddmaten, de Evangelical Lutheran Church in America mit 128.570 Liddmaten, de Lutheran Church - Missouri Synod mit 117.419 Liddmaten un de United Methodist Church mit 117.277 Leden.[2]

Gröttste Städer ännern

PapillionColumbus (Nebraska)Norfolk (Nebraska)North PlatteFremont (Nebraska)Hastings (Nebraska)Kearney (Nebraska)Grand Island (Nebraska)Bellevue (Nebraska)Lincoln (Nebraska)Omaha


Historie ännern

Nebraska is an’n 1. März 1867 as 37. Bundsstaat in de USA upnahmen wurrn.

Politik ännern

Nebraska is opdeelt in 93 Kreise (Countys):

 

Belegen ännern

  1. factfinder.census.gov
  2. "State Membership Report". The Association of Religion Data Archives. Accessed July 29, 2008.

Weblenken ännern