Um Wooldbo oder Wooldbueree, ok Forstweertschop oder Försteree nömmt, hannelt sik dat, wenn Minschen bigaht un in’n Woold Rohstoffe produzeert, sunnerlich Holt. Hüdigendags schöllt avers de Woolden ok pleegt un bewohrt weern, sunnerlich, dormit se de Minschen schulen doot vör Steenslag un Lawinen un dormit sik de Lüde dor in vermünnern könnt. Wo dat de Wooldbo up afsehn hett, dat kann sik verschelen na de Region, wo dat um geiht, un ok na de Tied, wo he in bedreven warrt. In Middeleuropa gung dat johrhunnertelang bloß dorum, de Natur ut to plünnern un allens ruttoholen, man vun dat 19. Johrhunnert af an fung dat an, un en duerhaftigen Holtbo hett sik dörsett. Vun de tweede Hälft vun dat 20. Johrhunnert af an hett dat ok jummers mehr en Rull speelt, wat de Meenheit vun den Woold hebben woll. En Unnernehmen, dat in’n Wooldbo togange is, warrt „Wooldbedriev“ nömmt.

Wooldbo bedutt, datt hier Böme slaan weert

Wat de Wooldbo to doon hett ännern

In Düütschland mütt de Wooldbesitters ehre Woolden “anstännig un duerhaftig” unnerholen. So steiht dat in § 11 vun dat Bundeswaldgesetz. Dorbi kummt dat nich bloß dor up an, datt de Woold en Born for Rohstoffe is, man datt he ok as Grundlaag for den Aarden-, Bodden-, Klima- un Waterschuul begrepen warrt. Butendem schall ok dor up keken weern, datt de Inwahners dor ehre Freetied tobringen un sik verholen könnt. Vundeswegen mutt hüdigendags in’n Wooldbo jummers keken weern, wie sik Weertschop un Umwelt mit’nanner verdreegt. To dat Ökosystem Woold höört ok de willen Deerter mit to, de ehr Bestand dör Jagd un Pleege von de Wooldboers reguleert weert[1] dormit dor up de eene Sieten so veel Aarden in leevt, as man mööglich, un dormit dor annersiets nich to veel junge Böme affreten weert.[2]

Belege ännern

  1. https://www.bundesimmobilien.de/7627746/forstliche-produkte#
  2. https://www.bundesimmobilien.de/7614569/forstliche-dienste

Weblenken ännern

  Wooldbo. Mehr Biller, Videos oder Audiodateien to’t Thema gifft dat bi Wikimedia Commons.