Francine Burns
Francine Zenaida Burns (* 10. Oktober 1988 in Orange Walk) is en Politikerin ut Belize (UDP).
Burns is 1988 as Dochter von Evelyn un Jaime Burns in Orange Walk boren.[1][2] Dor güng se op de La Immaculada RC Primary School.[2] Se hett von 2005 bet 2007 dat Muffles Junior College in Orange Walk besöcht un dor en Associate Degree in Biologie un Mathematik maakt.[2] Se is denn an de Kingston University in London gahn un hett dor von 2008 bet 2010 Juristeree studeert.[2] Dat Studium hett se mit en Bachelor of Laws afslaten un is Avkatin un Maat von Gray’s Inn worrn.[2] Von 2010 bet 2011 weer se denn noch an de City, University of London un hett en Master of Laws maakt.[2]
Se weer von April 2012 bet November 2015 Kroonavkatin in dat Büro von’n Generaalstaatsanwalt.
Bi de Wahl to’n Stadtraad von Orange Walk an’n 7. März 2012 weer se Kannedatin för de UDP. Se hett 3866 Stimmen kregen un kunn sik dormit nich dörsetten.
Burns weer von November 2015 bet 2016 för de Regerungspartei UDP Maat von’n Senaat von Belize.[3] An’n 1. August 2016 müss se ehr Amt as Senatersche afgeven, üm Platz to maken för Vanessa Retreage. Retreage schull Ministerin för Natürliche Ressourcen warrn, wat aver blots güng, wenn Premierminister Dean Barrow ehr in’n Senaat platzeren dee.[4]
Von Februar 2016 bet Mai 2017 weer se Ünnernehmensjuristin bi dat Belize Tourism Board.
Siet 2017 arbeidt se as Viez-Registrarin för dat Hannelsregister von Belize. Siet September 2016 is se ok Vörsitterin von de Belize Broadcasting Authority.
Footnoten ännern
- ↑ Belize Public Service Staff List 2014
- ↑ a b c d e f Young Belizean called to the Bar of England, The Guardian an’n 27. Oktober 2011
- ↑ PM Barrow sworn in: Cabinet members and Senators appointed, San Pedro Sun an’n 11. November 2015
- ↑ Attorney General Vanessa Retreage sworn into office, Belize Breaking News an’n 15. August 2016