Francisco Dick Neufeld

Francisco Dick Neufeld (* 1971) is en mexikaanschen Politiker.

Dick Neufeld is en Mennoniten ut de Mennoniten-Kolonie La Honda in Zacatecas. He güng mit 16 vun de School af un hett op Farmer lehrt. Mit 19 hett he denn in de Meieree anfungen arbeiden un is dor later Manager worrn. He is för de Partei för Natschonale Akschoon den 1. Juli 2007 as Afornten för den XVII. Wahldistrikt (Gegend vun Juan Aldama) in’n Kongress vun Zacatecas intagen. Ünner de Mennoniten geev dat verschillen Menen to sien Kandidatur. De Mennoniten hollt sik vun wegen ehr Religion bi Politik jümmer trüch. Veel Lüüd weren bang, dat sien Amt to veel Verännerung bringt. Siene Stimmen hett he vör allen bi de spaanschen Mexikaners kregen.