Frank Luther (Jazzmusiker)

Frank Danny Luther (* 23. Februar 1944 in Chicago) is en US-amerikaansch Kontrabassist vun den Modern Jazz.

Luther fung mit veer Johren an, Klaveer to spelen; mit söss hett he dat Vigelienspeel lernt. In dat Schoolorchester is he denn mit fievteihn Johren to dat Kontrabass wesselt. He hett denn in Chicago mit Herbie Hancock, Tommy Ponce (1960-64), Zoot Sims un Al Cohn (1965) arbeit. Van 1967 bit 1968 studeer he an dat Milwaukee Conservatory un speel mit Manty Ellis un Wes Montgomery. Dornah hett he in Atlanta mit Duke Pearson arbeit. 1973 truck he nah New York City, wo he mit Chet Baker un af 1974 för mehrere Johren sowohl bi Don Elliott as ok bi Gerry Mulligan arbeit hett. Af 1975 hörr he ok to de Grupp vun Jimmy Giuffre. Dornah speel he mit Lee Konitz, Joe Puma, Phil Woods, Lionel Hampton, Joe Williams, Jimmy Cobb, Mel Torme, Warren Bernhardt un Ingrid Sertso. He weer ok as Komponist un Solist an Danzupführungen bedeeligt. Ok up Alben vun Attila Zoller, Don Friedman, Hod O’Brien un Gerry Mulligan is he to hören. Mit Zoller weer he Midden vun de 1970er Johren mehrfack up Düütschlandtournee.

Lexigraphisch Indrääg

• Leonard Feather & Ira Gitler, The Biographical Encyclopedia of Jazz. Oxford/New York 1999; ISBN 978-0-19-532000-8