Franz Fromme (Lüchtringen)
Franz Fromme (* 17. Mai 1910 in Lüchtringen; † 24. Januar 2012[1]) weer en plattdüütschen Schriever.
Fromme is 1910 as Söhn von Veronika, borene Gulhoff, un den Postschaffner Franz Fromme in Lüchtringen boren.[2] Na de kathoolsche Volksschool in Lüchtringen un dat König-Willem-Gymnasium in Höxter hett he 1931 bi de Verwaltung von dat Amt Höxter-Land anfungen to arbeiden.[2] 1933 is he Inspektorenanwärter för den gehobenen Deenst worrn. Later is he Baas von dat Ordnungsamt ween.[3] In’n Tweten Weltkrieg weer he von 1939 bet 1945 Soldaat un weer in Russland un Frankriek. He is twee Maal swoor verwunnt worrn.[3] An’t Enn von’n Krieg weer he as Ünneroffzeer in dat Lazarett in Lippstadt. Dor is he in’n April 1945 rutkamen.[2] Na’n Krieg weer he von 1948 af an Amtsinspekter bi dat Amt Höxter-Land un na 1970 Stadtoberamtsraad in de Stadt Höxter.[3] 1973 is he in Rohstand gahn. He weer von 1954 bet 1969 Viez-Gemeendirekter in Höxter.[3] Von 1951 bet 2008 weer he Oortsheimatpleger in Lüchtringen. He hett ok de Lüchtringer Heimatblätter rutgeven.[3]
1996 hett he dat Bundsverdeenstkrüüz an’t Band kregen.[2] 2010 hett he ok den Düütschen Börgerpries kregen.[4]
1939 hett he Luzie Korte freet. De beiden harrn söven Kinner.[3]
Warken ännern
- Lüchtringen, Grenzdorf zwischen Weser und Solling. Heimatgeschichte. 1980
- Alt-Lüchtringen und seine Meyer-Höfe. Textteil. 1984
- Alt-Lüchtringen und seine Meyer-Höfe. Bildmaterial. 1984
- Halderkeoken un wat süss in Lüchtringen vorr hundert Johren up’n Disch kamm. Heimat- u. Verkehrsverein Lüchtringen, Lüchtringen 1997, ISBN 3-9805898-0-3
Footnoten ännern
Weblenken ännern
- Franz Fromme (Lüchtringen) in de PBuB (hoochdüütsch)