Fred Anton Maier
Fred Anton Maier (* 15. Dezember 1938 in Tømmerholt, Insel Nøtterøy; † 9. Juni 2015 in Nøtterøy[1]) weer en norweegsch Iesflinklöper.
Bi de Olympisch Winterspelen 1964 in Innsbruck wunn Maier de Bronzemedaille över 5000 Meter achter sien Landslüüd Knut Johannesen und Per Ivar Moe un de Sülvermedaille över 10.000 Meter achter Jonny Nilsson ut Schweden aber vör Johannesen.
1968 wurr he bi de Olympisch Spelen in Grenoble Olympiasieger över 5000 Meter (vör Kees Verkerk un Petrus Nottet) un un wunn de Sülvermedaille över 10.000 Meter (achter Johnny Höglin aber vör Örjan Sandler). In dat sülvige Johr wurr he dorto Welt- un Europameester in' Mehrkamp.
Tüschen 1965 un 1968 hett Maier all tosommen elf Weltrekorde upstellt. Sien Hööchstwert in den Adelsklenner bedroog 173,518 Punkte; sien best Platzeeren weer de tweete Platz. 1968 wurr he mit de Oscar Mathisen Memorial Trophy uttekent un weer in dat Johr ok Sportler vun dat Johr in Norwegen.
Maier weer ok in't Radrennfohren goot. 1957 un 1967 wurr he jewiels Dart vun de norweegsch Landsmeesterschapen in't Tietfohren.
Persönlich Besttieden
ännern| Streck | Tiet | Datum | Oort |
|---|---|---|---|
| 500 m | 41,8 sek | 3. Februar 1968 | Davos |
| 1000 m | 1:24,3 min | 1. Dezember 1968 | Inzell |
| 1500 m | 2:06,1 min | 10. März 1968 | Inzell |
| 3000 m | 4:17,5 min¹ | 7. März 1968 | Inzell |
| 5000 m | 7:16,7 min¹ | 9. März 1968 | Inzell |
| 10.000 m | 15:20,3 min¹ | 28. Januar 1968 | Oslo |
¹ = Weltrekord to de Tiet vun den Loop
