Fred Beckett
Fred Lee Beckett (* 23. Januar 1917 in Nettleton, Mississippi; † 30. Januar 1946) weer en US-amerikaansch Jazzmusiker. As Basuunspeler weer en en vun de fröh Vörbiller vun J. J. Johnson.
Wiels sien Tiet an de Highschool hett he tonächst dat Hornspelen lehrt. In de 1930er Johren fung sien Karriere in Kansas City an. He speel tonächst bi Eddie Johnson sien Crackerjacks in St. Louis, Missouri. He speel in de nächst Johren mit Duke Wright, Tommy Douglas, Buster Smith un Andy Kirk as ok in en lokale Band mit Prince Stewart un bi en Gig in Omaha, Nebraska mit Nat Towles. Later in dat Johrteihnt speel he ok noch mit Harlan Leonard.
In de fröh 1940er Johren speel Beckett mit Lionel Hampton, mit de he eenig Upnahmen maakt hett, as ok mit Dinah Washington. Wiels den Tweeten Weltkrieg hett he in de US-Army Deenst maakt, is dor aber an Tuberkulose krank wurrn und doran later storven.