Hauptmenü öffnen

Disambig.svg Dit Woort hett noch annere Bedüden: kiek dorför ünner Fritz Stavenhagen (Schauspeler).

Fritz Ernst August Stavenhagen (* 18. September 1876 in Hamborg; † 9. Mai 1906 in Grootbossel) weer en plattdüütschen Schriever.

Stavenhagen is 1876 in Hamborg as Söhn vun en mekelbörgschen Kutscher boren. He lehr Drogist in Blanknees un op Finkwarder un dee sik in München un Berlin as Autodidakt wiederbillen. Sien Leven dee he man eben so dör dat Teknen vun Skizzen un dat Schrieven vun Vertellsels för Daagbläder bestrieden. 1902 harr he Anna Müller heiraadt, de ut Emden stammen dee.

Sien Graff in Ohlsdörp

In Berlin hett Otto Brahm, de Baas vun dat Düütsche Theater, em fördert un em Geld togeven, dat Stavenhagen sien Situatschoon opbetern dee. Vun 1905 af an weer he Dramaturg an dat Berliner Schillertheater. Doch lang kunn he disse Arbeit nich mehr maken, he is 29 Johr oolt doodbleven, he harr dat an’e Gall. Begraven liggt Stavenhagen op’n Karkhoff Ohlsdörp in Hamborg.

Stavenhagen weer Naturalist un stünn in de Traditschoon vun Ludwig Anzengruber un Gerhart Hauptmann.

Na em weren ok de Stavenhagen-Pries vun’n Neddersassischen Bühnenbund un de Fritz-Stavenhagen-Pries (1959 bet 1982) vun de Alfred-Toepfer-Stiftung F.V.S. nöömt.

In Grootbossel hebbt se de Königsstraat, in de he toletzt leven dee, 1925 in Stavenhagenstraat ümdöfft. Siet 1962 heet en oolt Herrnhuus in Grootbossel, dat as Kulturhuus bruukt warrt, ok Stavenhagenhuus. Blangen dat Stavenhagenhuus steiht en Statue vun Fritz Stavenhagen.

WarkenÄnnern

  • Der Lotse. Drama in een Törn, Harm, Hamborg 1901
  • Jürgen Piepers. Volksstück in fief Törns, Harm, Hamborg 1901
  • Mudder Mews. Drama in fief Törns, Schultze, Hamborg 1904
  • Grau und Golden. Hamburger Geschichten und Skizzen., Gutenberg, Hamborg 1904
  • De dütsche Michel. Buernkomödie in fief Törns, Gutenberg, Hamborg 1905
  • De ruge Hoff. Buernkomödie in fief Törns, Gutenberg, Hamborg 1906

LiteraturÄnnern

  • Adolf Bartels: Fritz Stavenhagen. Eine ästhetische Würdigung. Koch, Dresden 1907.
  • Josef Plate: Fritz Stavenhagen als niederdeutscher Dramatiker. Dissertatschoon, Mönster 1923.
  • Walter Johannes Schröder: Fritz Stavenhagen. Leben und Werk. Wachholtz, Niemünster 1937

WeblenkenÄnnern