Fulgentius vun Ruspe

Fulgentius vun Ruspe (Latiensch: Fulgentius Ruspensis; * um 467 rüm in Telepte, Noordafrika; † 1. Januar 533 in Ruspe, Noordafrika) is Bischop vun Ruspe ween un hett dör siene Schriften in de Generatschoon na Augustinus groten Infloot harrt up de Theologen vun siene Tied.

Leven ännern

Toeerst is he as Prokurator en hogen Beamten in Telepte ween. Man as he de Schriften vun Augustinus leest hett, hett he beslaten, Mönk to weern. Ofschoonst he dat an un for sik nich woll, hefft se em üm dat Johr 507 rüm to'n Bischop vun Ruspe wählt. Man dat duer nich lang un de Wandalenkönig Thrasamund hett em na Sardinien verbannt. Dor hett he in Calaris en Kloster grünnt un veel Schriften över de Theologie verfaat'. 515 is he bi en Disputatschoon mit Arianers in Karthago to finnen. Sien Schöler Fulgentius Ferrandus ut Karthago hett en Schrift över Fulgentius sien Leven rutbröcht.

Theologie ännern

In siene Schriften maakt he sik sunnerlich för Augustin siene Gnadenlehr stark un geiht gegen den Semipelagianismus gegenan, de to de Tied in Süüdgallien allerwegens mank de Theologen to finnen weer. Ok mit den Arianismus vun de Wandalen sett he sik ut'neen un stritt dor gegenan.

Hilligen ännern

In de Röömsch-kathoolsche Kark warrt Fulgentius as en Hilligen ankeken. Sien Denkeldag is de 1. Januar.

Literatur ännern

  • Utgave vun siene Warken: Migne Patrologia Latina, Vol. 65

Weblenken ännern

  Fulgentius of Ruspe. Mehr Biller, Videos oder Audiodateien to’t Thema gifft dat bi Wikimedia Commons.