Garifuna Settlement Day
De Garifuna Settlement Day is en Fierdag in Belize, de elk Johr an’n 19. November is. De Dag fiert de Kultur von dat Volk von de Garifuna.
Historie ännern
De Dag geiht trügg op Thomas Vincent Ramos, de sik för de Rechten von de Garifuna insett hett. Ramos hett 1940 anreegt, dat de Ankumst von de Garifuna in Belize mit en Fierdag fiert warrn schall. Düsse Dag is in’n Distrikt Stann Creek an’n 19. November 1941 as Carib Disembarkation Day dat eerste Maal fiert worrn. 1943 hett ok de Distrikt Toledo den Fierdag övernahmen. Later is de Naam op Garifuna Settlement Day ännert worrn.
1977 is de Fierdag in ganz Belize offiziell worrn. De wichtigsten Fierlickeiten mit Paraden, Stratenmusik un Dänz gifft dat in de Stadt Dangriga.
Garifuna Settlement Day is en apentlichen Fierdag un en Bankfierdag. Wenn de 19. November en Sünndag is, is de 20. November apentlichen Fierdag un Bankfierdag.